(1) قلبي بقى له زمان عليل وبيقول آه فتحت قلبي عشان أشوف في أيه جوّاه لقيت حنين واشجان فزعت وقلت ياه معقوله حتى الآن عايش مع ليلاه مقدرشي ع النسيان مقدرشي ينسى هواه بكى على اللي كان وفضلت أبكي معاه (2) أنا لمّا شوقي همى على بابها قلبي ارتمى كانت ضلوعي الحيطان وكانت عيونها السما (3) لو كان معايا مفتاح زماني اللي قفله صدّى لو كان معايا حبيب زماني وكتاب وورده ما كان زماني خلّاني اعاني ولا كانشي عدّى (4) غزال مرق بصيت عليه سهمه اترشق جوّه الحشا قلبي انتشى على طول خفق ولمّا ناديت وله حنيت دمعي اندفق قلت ياريت كنت هويت ولا كان عمري راح كده هفأ (5) قلبي دا مخلوق عشان يعشقك ويناجي طيفك حتى عيوني دي كمان مخلوقه بس عشان تشوفك