ربنا يرحمك ويسامحك يااما ياريتك ماكنتى زرعتى فيا حب الخير والطيبة والحنية... .كنتى علمتينى ازاى .... اعرف اكون قوية واعرف ادوس على قلبى برجليه ... عشان يمكن اعرف اعيش فى الدنيا دى _ فى وسط ناس قلوبهم عن الحق معمية..... كنتى علمتينى ازاى محدش يصعب عليا عشان مالقيش اللى يعرف يضحك عليا بقلبه الاسود اللى متغطى بقشرة حنية كنتى يااما علمتينى القسوة _بدل الطيبة اللى زرعتيها فيا أدينى بحصد يااما خيبة بالويبة وماحد دارى بيا والكل جايب الحق عليا _ ويقولوا ماهو انت اللى خايبهده مش زمن طيبة ده زمن الهليبة - طب وانا بس خايبه ليه ماهو ده الطريق اللى امى علمتنى امشى عليا...... علمتينى ان الانسان اللى من غير شرف تبقى حياته كلها ارف فى ارف..... علمتنى مطاطيش ولغير ربنا راسى متتحنيش ...... وبقول كلمة الحق ماخبيش ولا اخاف من ظابط ولا شاويش .....علمتينى اشيل كرامتى فوق راسى لان من غيرها مش هعيش زرعت جوايا الضمير وقالتلى امشى ماتخفيش _. ده اللى يرضى يعيش من غير ضمير وبقلب ميت ينهش فى المساكين _قالت لى يا ابنتى ابعدى عنه ده انسان مايلزمكيش ....علمتينى اعيش بقلب ابيض ولا اخاف من جن ولا عفريت _بس ياخسارة نسيتى يااما تعلمينى ازاى فى وسط الناس اعرف اعيس ومتأذيش __ ومن غدر الزمن ميهمنيش -