زمان عملت شقف الزير سلالم للسما لاجل ما اهرب من كلمة خجلانة رمتها واحدة بتصيد السمك وغزل الشبك رسم ف صدري شكل قلب يادوب بيتنفس جديد ورسمت ملامح وشها علامات خجل قلبى حجل من فرحتى اتارينى بربط خيتى بقيود حديد وسابتنى يلعب شوقى ليها ف قلبى سيجة والنتيجة انهزامى بالثلث وهى تضحك وتقول عبيط معرفش ليه ان العيال لما بتكبر مش بيفضل ليهم الا اسم وذكريات واللى مات ازاى يرجع له النفس قلبى انحبس بس اعمل ايه فى قلب متكلبش بقيد قالوا لى رش الشاي محبة قولت يبقي ارشها ردت عليه بمية ساقعة قلبى انفزع ولاجل ما اهرب عملت شقف الزير سلالم للسما