اهداء الي ارواح شهدائنا الكرام في رفح وفي كل مكان كلمات احمد فخري بنجمع القصايد بحروف متلاصه دم . والقلب قايد نار. صايبه الف رصاصه . والدم علي الرغفان ... الدم علي الرصفان والطوفان اهو جاي يا زمن نساي .. اقعد واشرب شاي والعكسري مجاهد كان وحيد امه فارد جناحاته حضنه يساع الشرق علي الطريق رابط حلمه بشال امه عينه مفتوحه خايفه تدوق النوم ويسيب ضهرنا مكشوف للغرب نتعري راضع بزاز الفقر ناحت تجاعيده مفطوم علي الاخطار من صغره متربي قدامه دم ابوه بيغسل تراب سينا وعلي الطريق علامات حلمه بالافرول وبدلته الكاكي وبيادة مظبوطه صَبر قليب امه كانت امه بتزغط وتجمع النسوان ابني مجاهد قال انا علي الطريق يا اما عيني عيون الصقر وهبت قلبي لمصر انا قلبي جيش يا اما واخواتي رجاله طول ليلي وانا سهران لاجلن عينيكي تنام حاضنه الحيطان بامان وعزايا لابو فريد كان ولده من الابطال مبعوت كمان قرشين روحي زوري الطاهرة ادعيلنا هناك يا اما يجمع ما بينا الخير ويتنططوا الاولاد يشيلوا نفس الحلم ولقانا يوم العيد راحت مرجعتش كان دمها البلور في الجنه عنقود نور واخدوة علي خوانه صلبوه ولاد ابليس دمه في طهر المسيح والعدرة ومحمد كان دمه علي الرغفان فارش علي الرصفان بقي دمه علي الكراريس الدم مش كوابيس والطوفان اهو جاي يا قلبي يا نساي اقعد واطفح شاي