ويمكن في السما ألوان بترحل لما ننساها ويمكن قلب كله حنان بيعشق نجمة في سماها وليه دايمًا شروق دقة بيخطفها غروب قاسي وأنا بانهار بشوف شمعة تنور نبض إحساسي تنور قد ما تنور يطفيها سراب دمعي وأروح أحضن سحابة في طيف وأقول لها كل أسراري تقوم ضاحكة كده عليا وتفهمني يدوب م الهمس تقول لي اسكتي وداري ورانا واقفة سامعة الشمس وفجأة تيجي تخطفني سحابة شقية مجنونة وتيجي بسرعة تلحقني سحابة هادية وحنونة وأنا واقفة مابين الاتنين وبابكي بحرقة من غير صوت وكل دموعي تحضني لكن قلبي سايبني أموت تقول لي دموعي سيبي قلبك وروحي وطيري في الملكوت وأرفض إني أجري بعيد وقمري بين الحياة والموت تقول لي في يوم هتجري بعيد ويفضل قمرك قلبه وحيد سيبيه وطيري بعيد عنه ولو كان فعلا بيهواكي هييجي بضي من قلبه ينور للهوا خطاكي وهارجع تاني لسمايا وألون دنيتي بألوان تكون لايقة على هوايا وهغزل من شعوري ضفاير وأعلقها على الشباك عشان يوم ما ييجي قمري يشوفها ويلاقيني هناك