عٍين يا رب عِين الناس الطيبين غلابة وشقيانين من ظلم الظالمين نجي يا معين نشكى ونقول يا مين ندعى ونقول أمين قوىً المطحونين ع الهم مغلوبين بالأمر مغصوبين بالاسم مخيرين كرباك ملعون لعين فوق ضهر المقهورين لو رفعوا صباع يمين لو سألوا حقوقنا فين لو قولنا القول لمين فين إحنا وهما فين أيادى العرقانين هم المهمومين شوق المحرومين أغراب متغربين في بلدنا مش عارفين بلدنا ولا دى مين نزرع ونجنى وفين من خيرنا محرومين وهٌما مرفهين عزاز ومكرًمين بتعبنا مرتاحين بإيدينا شبعانين بهمومنا مبسوطين في العز غرقانين بفلوسنا مفنجرين ضايعين ومضيعين على بره سواحين خيرنا شمال يمين للناس المحظوظين لغيرنا من سنين لا حساب ولا حاسبين لشرع ولاً لدٍين لا همهم قوانين لا فقرا ولا مساكين رايحين بنا على فين يا رب مش قادرين ع الغُلب ولًا الدًين معدشى حتى الطين غيرك وعالم مين والله ما لينا معين يارب قوى وعين تنصرنا دنيا ودين عادل وزيك مين يا رب يا معين شفيق السعيد