أنا مٌت انا فُت على كل معارفي أودعهم عشمان فيهم انا كُنت في أمس الحاجه لدعواتهم وحجاب الميت مكشوف يسمع في خفايا يشوف جزاة الخير والمعروف طمران في قلوب وقلوب نَكرٌم أنا أنا ...... أنا مُت كان لحم كتافهم من قوتي ناس فًرحُهم قوي موتي طًمعهم واصل لتابوتي والحقد معشش وحَسدهم أنا أنا .... أنا مت وشوش م الفُرقة بتتألم لسٌنة ربها بتسلم بالجنة بتدعي وتتندم على هفوة في يوم صدرت منهم أنا أنا .....أنا مٌت وناس ولا فرقت وياهم موتي حياتي مش هماهم لكن كان كل مناهم تظهر وتبان مكانتهم أنا أنا .... أنا مُت صحيت من حلمى على إيديها على صدرى تطبطب وعنيها نستنى حياتهم وما فيها مراتي ولادي أنا دنيتهم أنا أنا 000 أنا مُت