الكلمة ديّ أمانة عند صاحبها ممكن تهز القلوب لو الحب صاحبها وكمان تهز القلوب لو إنسان صاحبها خوفى على قلب حلوة لو مجنون صاحبها يملا سماها غنا وأنغام تصاحبها وبكلمة واحده خبيثه تقضى بصاحبها .... الكلمة دىّ أمانة لو إتقالت صافية وتبقى ورده جميلة وللمريض شافية وللصديق أو لجارك تلقى النفوس صافية والكلمة لأم الولاد تبقى الحياة دافية .... والكلمة ضد اللى يحكم وحكمه فيه طغيان لازم تقولها يا صاحبى ودى شرعة الرحمان وكلمة الحق قولها صعب لكن فرض ع الإنسان لازم تقولها يا صاحبى لو رحت آراميدان .... والكلمة لو كات خبيثه ياويله من قالها مصيره فى نار جهنم يعيش بأسفلها ياما أسر دمرت و نالها ما نالها وأصل السبب كلمة واحد ياناس قالها