شعر : أنور المشيري مثِل عطرك .. قضيت أيامي في عمرك مثل عطرك هذاك اللي تحبّينه نعم كنتي تحبيني .. تحبّي كلّ شي فيني نعم كنت أشبه أيامك وأناسب روعة أحلامك ومثِل عطرك نِثرت إحساسي في عمرك وهذا اليوم أنا كلّي .. زجاجة فارغة كانت تَحَت أمرك ..مثل عطرك ----- مثل عطرك .. أنا كنت أغمرِك إحساس ومثله كنت أنا دايم هذاك الطيِّب الحسّاس وكنتي فيني تتباهين مثل ما في شذى عطرك تباهيتي أمام الناس مثل عطرك.. تلاشى حُبّي في صدرك وهذا اليوم أنا كلّي .. زجاجة فارغة كانت تَحَت أمرك ..مثل عطرك ----- مثل عطرك .. أنا ما أدري وش بكره؟!؟ بترميني .. أو أبقى بسّ للذكرى ولكنّ الأكيد إنّك مثل ما تعشقي غيري / أكيد بتشتري غيره مثل عطرك .. أنا لي قصّة مع غدرك وهذا اليوم أنا كلّي .. زجاجة فارغة كانت تَحَت أمرك ..مثل عطرك ----- #أنور_المشيري #anwar_almushiri #أنور_المشيري #فانز_المشيرى #الإمارات