رانيا فريد شوقي غاضبة من دار الأوبرا المصرية

انتقدت الفنانة رانيا فريد شوقي النظام الذي اتبعته دار الأوبرا المصرية لحجز تذاكر حفل الفنان عمر خيرت؛ حيث فتح شباك الحجز قبل الحفل بيوم واحد.
وكتبت رانيا عبر صفحتها الشخصية بموقع التواصل الاجتماعي “فيس بك”: “انا ماعرفش مين المسؤول عن المهزلة دي في الأوبرا المصرية التابعة لوزارة الثقافة.. هل من الطبيعي أن يكون حفلة الفنان عمر خيرت يوم 24 و 25 نوفمبر و شباك التذاكر يفتح للجمهور النهاردة بس طب ازاي !!! هتقولوا اصل له جمهوره علي راسنا بس كمان من حق كل محبيه يحسوا ان التذاكر مش مخصصة لناس وناس من حقهم يحجزوا قبلها بوقت كافي، وكمان شباك التذاكر يفتح الساعة 7 الصبح اسما انه فتح و هما قافلين البوابة الحديد و بياخدوا 200 بطاقة فقط، وكل بطاقة ليها 4 تذاكر فقط ماشي طب ليه فاتحين الشباك قبل الحفلة بيوم واحد بس”.
وأضافت رانيا: “ليه بتعذبوا الناس في الطوابير لغاية مايزهقوا و يمشوا و يكرهوا عمر خيرت هو ده ذنبهم أنهم بيحبوه وبيقدروا الفن المحترم ليه بترجعونا لطابور العيش، طب الدولة حلت مشكلة التموين بشكل عام، انتم يا ارقى مكان للفن مافيش رقي ولا تحضر في التعامل، اي بلد في العالم بنحجز من خلال النت online قبلها بوقت كافي، العالم كله دلوقتى بيتعامل بال paracode لكن كالعادة لازم نبقي احنا متأخرين و نتفنن في ذل الناس و الشماعة، اصلنا بنحارب السوق السودة، انتم كده بتخدموا السوق السودة و بتحاربو الجمهور و الأوبرا نفسها.. اه يا بلد”