بمناسبة قرب نزول الجزء السادس من فيلم "FAST & FURIOUS"، اعلن بطل السلسلة الفنان "فان ديزل" عن مفاجأة وهي إن الشركة المنتجة وافقت علي تصوير الجزء الثامن من السلسلة في مصر .. وأضاف ديزل في مقابلة ليه مع برنامج "سكوب" اللي بتقدمه ريا أبي راشد بإنه بيوجه رسالة لكل الجمهور المصري اللي قابلهم في زيارته لمصر بإنهم يستعدوا لزيارته الجاية مع طقم الفيلم عشان يصوروا الجزء الثامن. وضاف ديزل في المقابلة بإنه بيستمتع بمشاهد الاكشن في السلسلة وطلب من الجمهور عدم محاولة تقليد المشاهد دي، لإنها بتم بتقنية عالية وعن طريق فريق كامل خاص بتنفيذ الاكشن وفريق خاص بسلامة افراد الفيلم. الجزء السادس من بطولة فان ديزل وبول ووكر ودواين جونسون وهيتم عرضه يوم الاربعاء 22 مايو في مصر .