بالكشف على قلبى.. تبين الآتى أن أنت يا حبى.. ضرورى لحياتى بالكشف على عينى والكشف على روحى تبين إن أنت دوايا لجروحى وأما الأطبا شافوك.. همه كمان حبوك من بين رموشى شالوك.. لقيوك ف دقاتى احتاروا أهل الطب.. من اللى أنا بأقاسيه عملولى رسم القلب.. وقالولى صورتك فيه وكل مايفتشوا عينى يلاقوك ساكن وكل ما يحللوا دمى يلاقوك راكن وأما الأطبا شافوك.. همه كمان حبوك من بين رموشى شالوك.. لقيوك ف دقاتى عملوا الأشعة كتير.. وراقبوا تكوينى وشافوا عشق كبير.. جوه شرايينى وأما بنبقى سوا بتزيد حرارة الشوق يقيسولى نبض الهوى يلاقوه معدى لفوق وأما الأطبا شافوك.. همه كمان حبوك من بين رموشى شالوك.. لقيوك ف دقاتى