نصف كيلو كنافة معلقتا سمنة فانيليا نصف كوب سيرب كريم شانتيه جبنة كريمى سكر بودرة لبن مثلج علبة قشطة معلقة جيلاتين مذابة فى مياه ساخنة الطريقة نحضر الأول الكنافة هنقطع الكنافة قطع صغيرة ونحمرها فى سمنة على نار هادية نركنها على جمب حتى تبرد وبعدين نضيف عليها السيرب وناخد نصف الكمية ونحطها فى صنية التشيز كيك ونضغط عليها ونحطها فى التلاجة نحضر الكريم تشيز بقا هنضرب الجبنة الكريمى مع السكر البودرة والفانيليا والقشطة جيدا ثم نضيف الكريم شانتيه واللبن المثلج ونضرب تانى ونضيف فى الآخر الجيلاتين ونكمل ضرب لغاية ما القوام يتظبط ونطلع الصنية من التلاجة ونضيف عليها الكريم تشيز وبعدين نضيف باقى الكنافة على الوش وتدخل التلاجة وتقدم بألف هنا.
