يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى: [email protected] اللوحات بريشة الفنانة رباب نمر
كتب: حسن حجازى زاد الوجع والقلب غرقان فى البكا قال خلى زادك وقتها لحظة لقى وأنا قولتله زادى الوجع والشوق حَضَر قال يا جدع صبرى انفجر قوم هات سطور الذكريات احسب غيابك بالساعات الحلوة فاتت من هنا وأنا شوفتها عدت كده والبسمة ترسلمى الأمل وتروح وتقرالى الودع قوم يا جدع قول ع الحنين والاشتياق والليل طويل ويا الفراق لحظة رجوع تنسى اللى فات فاكر حنينها والدلع! قوم يا جدع إحكى الليالى المؤلمة بين الدموع بين السهر كانت تقول أنا بعشقك أنا بكرهك احضنى خايفة من الليالى تبعدك والخوف بيتحول قلق لما اتشنق من بُعدها وبدارى شوقى منها لساها بالشوق مؤمنة وكفرت أنا العِند ناره بتحرقٍك مؤمن وكافر كلنا