جريمة بدون مجرم.. ومخطوفون بدون خاطف.. وشعب مغلوب على أمره يستقبل جيدًا ما يقدم له من أخبار.. فعقب إطلاق سراح الجنود المصريين المختطفين على الحدود تباينت ردود الفعل.. ما بين فرحة لعودة الجنود من مؤيدى الرئيس وعدم فهم لما يدور خلف كواليس.. عملية الاختطاف من أهالى الجنود.. وأخيراً نظرية الابتزاز السياسى الذى تتعرض له أجهزة الدولة فى ظل غياب القانون عن الساحة التى يتبناها النشطاء على مواقع التواصل الاجتماعى كل حسب انتمائه السياسى والذين تنوعت تعليقاتهم على النحو التالى: مفيش كهربا يعنى مرسى هو اللى ماسك المحولات!.. الاقتصاد فى الضياع يعنى مرسى هو اللى مضيعو!.. حوادث القطارات يعنى مرسى اللى سايق القطر!..كل حاجة بتغلى يعنى مرسى هو اللى مغليها!.. خطف 7 جنود يعنى مرسى اللى خطفهم! رجعو ال7 جنود بسلامة الله إلى أرض الوطن.. نشكر السيد الرئيس محمد مرسى القائد الاعلى للقوات المسلحة انه رجعو جنودنا بدون نقطه دم.. «يوميات اخوانجى». مرسى على تويتر بيشكر الجيش وشيوخ سيناء على عمليه الافراج عن الجنود.. نسى يشكر الخاطفين! هم مقبضوش على اللى خطف الجنود ليه؟! اول مرة اشوف جريمة من غير مجرمين. فيه 3 ضباط مخطوفين من حماس وزوجات الضباط حفيت رجليهم من اللف على مكاتب المسئولين!.. ولا دول مش فى الحسبان؟! ومن الجميل فى مصر أن كل تحركات الجيش والشرطة كانت على الفيس والجرايد خطوة بخطوة.. ولما تيجى تسأل ازاى حرروهم بقى يقولك ده سر من اسرار الدولة. بيقولك أصلا خطة تحرير الجنود المخطوفين دى كانت من أيام مبارك.. ومرسى معملش حاجة غير إنه راح استقبلهم وخلاص. وجاء فى تعليق لوالد أحد الجنود المخطوفين على قناة النهار: ربنا يحوش عنك يا مبارك انت والعادلى عليا الطلاق انا هاشيل جزمة حسنى مبارك واحطها على دماغى.
