مقعد البرلمان هو غاية كل مرشح انتخابي، ولكن في محافظة بني سويف، يتجه المرشحين الي اساليب متعددة لجذب أكبر عدد من الاصوات بالطرق المشروعة والغير مشروعة. ورغم اعلان الحكومة ان الانتخابات بعيدة كل البعد عن اي توجه ديني بل وفرضت غرامة لأي مرشح يقوم باستخدام الدين للدعاية له، الا انه يحدث علي مرئى ومسمع من الحكومة ولكن لا تتحرك ساكنة. حيث قام المرشح مجدي بيومي، المرشح عن قائمة في حب مصر، والمعروف بانتمائه السابق الي الحزب الوطني الديمقراطي المنحل، بزيارة كنيسه المطرانية بشارع إسلام في مدينة بنى سويف ومعه عدد من المرشحين على القائمة واعضاءها. واستقبلهم الأنبا غبريال أسقف بنى سويف، والقمص أسطفانوس سليمان مسئول العلاقات الخارجية بالمطرانية. وفي تصريحات خاصة لشبكة "رصد" بين الاهالي، قال مينا "هو مش عيب انه يجي يزورنا بالعكس، بس هو المفروض يقدم برنامج قوي نختاره على اساسه لكن مش هنختاره لمجرد انه جه زارنا في الكنيسة. وطالما مفيش برنامج قوي ليه يبقي انا عن نفسي مش هنتخبه". فيما اضافت اميرة أكرم، ساخرة "ازاي يقولوا الانتخابات بعيدة عن الدين وهو يروح يزور الكنيسة دي اكيد مش تجارة بالدين ..دي تجارة انجلش". كما قال محمد حسني "هو بيعمل كده عشان يكسب ود الكنيسة وتنزل تصوت له في الانتخابات ..أيا كان احنا عارفين ان مرشحين بعينهم هما الي هينجحوا مهما عمل اي حد غيرهم فهو معروف مين هينجح من غير كلام كتير".