أكتر حاجة بتجذبنى فى المسلسلات التركية اللى بحرص على مشاهدتها دايما، المناظر الجميلة اللى فى المسلسلات دى، لدرجة أنى بقيت بحب تركيا بجد، وبحس إنها أجمل بلد فى الدنيا، لكن فى نفس الوقت بحس بغيرة، واسأل ليه مسلسلاتنا وأفلامنا مش بتظهر الأماكن الجميلة فى مصر، رفم إننا عندنا أماكن كتيرة رائعة، وأنا عن نفسى لما بسافر إسكندرية أو الساحل أو الغردقة أو أسوان بحس إنى فى حتة من الجنة، عشان كده نفسى المخرجين يهتمون بإظهار الجانب الجميل فى مصر، مش معنى كده إنهم ميهتموش بعرض المشاكل، لا يعرضون المشاكل والجوانب السيئة لكن من غير ما يظهروا إن مصر كلها عشوائيات وكباريهات، يعنى مثلا فيلم عسل أسود لأحمد حلمى بحبه جدا، لأنه كان بيعرض مشاكل كتيرة فى مصر لكن من غير مبالغة، وفى نفس الوقت بيظهر حاجات حلوة تخلينا فخورين بيها، ونشتغل علشان نخليها أحسن، لكن على الجانب الأخر ألاقى فيلم زى الديلر بيظهر الحارة بشكل سيئ جدا.. المهم، لحد ما أشوف اللى أنا عايزاه فى المسلسلات والأفلام هفضل أتفرج على التركى وأمرى لله. علياء محمد