بحبك يا مصر وعاشق ترابك.. بحبك وقلبى ملك لغرامك أضحى بعمرى ونفسى ودمى.. ولو حتى روحى قلبك عشانك ف عز الشدايد حضنك أمان.. كله محبة ساكنة حنان يمر يا سمرا عليكى الزمان.. دايما أبية شامخة قوية لو فِكر فاجر فكر ينولك.. لو يد غادر حاولت تطولك مهما يحاولوا ولا يهزوا شعره.. عشان الخسيس بيه انتى شاعره مِدّارى وجبان وشيفاه عيونك.. دايما يا غالية.. واخدة بالك ***** بحبك يا مصر.. يهد وهنبنى ببنتى وابنى ولا يكون يا أمى أبدا غالبنى.. أخويا كرولس محمد ومينا دايما إيديهم حاضنة إيدينا.. فاكرين حكاية طابا وسينا ضربة تقوى نكسر إيديهم.. شر وغدر فقلوبهم كويهم عشانك عروسه ذايغة عنيهم.. الله أكبر قادر عليهم يهز كيانهم بقوة رجالك.. بحبك يا مصر ***** يا بلد.. نفسى أكون شغال إدينى لقمة حلال.. عاشق تراب أرضك ما بحبش الترحال..تعبت من النومة صحيت على اللومة.. يَبكى مع نفسى والصرخة مكتومة.. جارى يقول مالك؟ داحالى من حالك.. لا دم فى وريدى ولا حد خد إيدى.. حسوا بقى بينا أذن بقى يا بلال.. نفسى أكون شغال فيس بوك جمعنا.. قالوا مالوش معنى ثورتنا قادت نار.. على شهدا دمعنا صحبى وكان جنبى.. للجنة وسبقنى نادى على أمه.. اشتاق لها تضمه سال دمها فى دمه.. وسمعنا الأذان يا بلال نفسى أكون شغال ***** دم ولادك مصر بتعمل إيه يا ولادى.. علشان يبقى ليها أعادى أحلى بلاد الدنيا بلادى.. ليه تدمر أرضها ليه مريم أمى بتبكى يا عيسى.. علشان دم شهيد فكنيسة طعنوا الغدر فضلمة فجر.. قبل ما يطلع نور البدر والله الفاجر يكفاه فجر.. دم ولادك مالى إيديه ليه تدمر أرضها ليه.. فاكر كده إنه يفرقنا لا وهتفضل فاتحين بابنا.. كنيسة وجامع وحده ف مبنى راح يتحدوا هلال وصليب.. ولا فيه عنف ولا تخريب بإيدينا إللى تهد هنبنيه.. ليه تدمر أرضها ليه ***** دقوا الدفوف يامُّو الشهيد شيلى توب الولا وزفيه.. دى ملايكة وحور العين م الجنة بتدعى ليه لا تشكى بُعده ولا تبكى دمعه حزينة.. دا هو بينا وصورته ساكنة جوه عنينا يا مو الشهيدة إفرحى دى راحة للجنة.. دا يوم عرسها ودمها على كفها جنة روحهم هايمة فى السما فرحانة عشانهم ما تبكيش.. دقوا الدفوف لشهدا زغرتوا للجاى بعديه ***** توتة توتة لسة ما خلصتش الحدوتة.. البنت الحلوة السفروتة ضاحكة قال إيه مبسوطة.. والدم بيجرى من الشريان ماسكة ف يدها يوم عيدها.. عروستها وأمها حضناها بإيدها القلب الأخضر جواه شوق.. طاير م الفرحة بحنان مدفوق ف لحظة اتحول ليلها أحزان.. الدم إتغرق بيه الأركان سألنا ليه قالوا الجدعان.. دى قصة كانت موقوتة ***** توتة يا أهل الله انجرحت براءتها.. بدموعها حضنت عروستها مشاعر قادت نار الناس.. اتحبست وبالصوت أنفاس الكل يقول لا حول الله.. ما نملك شىء غير إحساس سكوت.. ودى حاجة معهودة.. لا حلوة ولا حتى ملتوتة.
