هتافات الثورة المصرية .. توثيق وكلمات يجب ألا تنسي (فيديو) يارب هبت شعوب من منيتها وأستيقظت أمم من رقدة العدم (روزاليوسف ، العدد 1202، 26يونيو1951) ولربما يصدق فينا مقولة
ان حملت الأنفس مالا تطيق أطلقت الألسن ما لا يليق (أبن اباس : بدائع الزهور ووقائع الدهور ) عبر الشعب المصري عبر التاريخ عن رفضه للحكام وسياسة النظم الاستبدادية التي حكمتهم عبر التاريخ بطريقة ظريفة وساخرة . وذلك عبر الهتافات والنكات داخل التظاهرات السلمية التي كان يصنعها بين الحين والأخر .
وتعكس هذه الهتافات في كثير من جوانبها حالة المجتمع السياسية والاقتصادية والاجتماعية ، كما يقول أبن إياس في بدائع الظهور(إن حملت الأنفس مالا تطيق أطلقت الألسن ما لا يليق ) ، وليست كل الهتافات لا تليق ، إن هذه الهتافات تلقي بظلال من الوعي أحيانا كثيرة علي ثقافة المجتمع المصري وطريقة تفكيره . ونحن هنا نرصد هتافات الشعب المصري ما قبل وأثناء ثورة 25يناير تلك الثورة الجماهيرية التي دعت للحرية والكرامة والعدالة الاجتماعية ونعرض لأهم هتافات الثورة المصرية والتي عبرت في الحقيقة عن مشاعر الشعب المصري وطموحاته وأحزانه وأفراحه ، ومدي قدرته علي التعامل مع واقعة .
لا نستطيع في الحقيقة أن نقول أننا نقدم حصر توثيقي لكل هتافات الثورة المصرية ولكننا نزعم أننا نقدم حالة الهتاف لدي الشعب المصري العظيم أثناء الثورة (بالصوت والصورة )، ولربما يكون الصوت أبلغ من الكلمة المكتوبة في أحيان كثيرة والذي إمتزج فيه غضبه مع سخريته وجعة وآلامه مع أفراحه وأحزانه . ولوتمعنا في قراءة مقولة أبن عروس لابد من يوم معلوم ترتد فيه المظالم أبيض علي المظلوم أسود علي كل ظالم وكلما تمعنا في مقولات الشارع في هذه الأيام نجده كان يردد نهارك اسود يا مبارك جالك الموت يا تارك الصلاة وينطبق علي كل هذه الأيام مقولة شاعر النيل حافظ إبراهيم لقد كان فينا الظلم فوضا فهذبت حواشيه حتي بات ظلما منظما وإلي هتاف الشعب المصري العظيم عبر مراحل تاريخية مختلفة : هتافات الشعب المصري ايام المماليك وقديما كان يقول هذا الشعب ويردد رافضا حكم المماليك باشا يا باشا يعين القملة .......من قلك تعمل ده العملة باشا ياباشا يا عين الصيرة .......من قلك تدبر ده التدبيرة حتي وصلنا إلي عصر فاروق يالي بتحكم من عبدين يا الي حكمنا باسم الدين انزل أنزل من عبدين قولوا للنائم في عابدين شوفوا الملايين يا بني جعانين ملك البلاد يا زين يا فاروق يا نور العين أمك تزوجت أتنين علي ماهر وأحمد حسنين ويكا يا ويكا يافاروق ياويكا هات أمك وختك من أمريكا ايام السادات الرئيس الديمقراطي عاوز كل الشعب يطاطي أنور أنور أنو بيه .جوز الجزمة بخمسه جنية أنت بتاخد ألف جنية وإحنا بناخد عشرة جنية إلي ترديد الطلاب في الجامعة أغنيات أحمد فؤاد نجم الحمد الله خبطنا تحت بططنا محلاها رجعة ظبطنا من خط النار يا لأهل مصر المحميه بالحرمية الفول كتير والطعمية والبر عمار والعيشه معدن وأهي مشية أخر أشية مدام جنابه والحاشية بكروش وكتار أو ناح النواح والنواحة علي البقرة حاحا النطاحة (فيديو) والبقرة تنادي وتقول ياو لادي والبقر أتقهرة
إلي عصر مبارك حسني مبارك يا جبان يا عميل الأمريكان زكي بدر يا جبان يا عميل الأمريكان أمن الدولة يأمن الدولة فين الأمن وفين الدولة
الطلعات الأولي من الثورة (فيديو) هو مبارك عايز اية......عايز الشعب يبوس رجليه...... لا يا مبارك مش هنبوس بكرة الثورة عليك هتدوس (وفى قول اخر بكرة عليك بالجزمة ندوس)
مصر يا ام......ولادك اهم...... دول علشانك شالو الهم ......دول يفدوكى بروح ودم وبعد الخطاب الاول قولولة لأ فاضلة زقة ياسوزان قولي للبيه كيلو العدس بعشرة جنية يا مبارك يا مبارك تل أبيب في انتظارك مش هنمشى هو يمشى يامبارك قول الحق أنت حرامي ولا لأ يا مبارك يا عميل قتلت إخوتنا فى التحرير امن الدوله يا امن الدوله فين الامن وفين الدوله لا شفيق ولا سليمان دول عملاء الأمريكان
وكان هناك أمام مسجد مصطفي محمود من يردد
يا مبارك يا طيار أوعى تسيبها تولع نار صلح صلح واحنا معاك حسنى مبارك ياطيار اوعى تسيبها تولع نار حسنى مبارك يابلاش واحد غيره ماينفعناش حط محمد جنب حنا ترجع مصر تاني جنه يا برادعي يا عميل تحكم مصر ده مستحيل يا جمال قول لابوك كل الشعب بيحبوك لو هما مليون احنا 80 مليون فيرد ميدان التحرير مبيفهمش عربي كلموه بالعبري آخر طلعة جوية لازم تكون ع السعودية أحلف بسماها وبترابها مبارك هو اللي خربها اعتصام اعتصام حتى يرحل النظام تتغيير حرية عدالة اجتماعية
وكانت هناك هتافات ضد الغلاء
اه يا حكومة هز الوسط كيلو اللحمة بقى بالقسط حسنى بيه يا حسنى بيه كيلو اللحمة ب 100 جنيه يا وزراء طفوا التكييف مش لاقيين حق الرغيف ياكلوا لحمة وياكلوا فراخ ...واحنا الفول دوخنا وداخ"
الشعب يريد اسقاط النظام
وبدأ توجيه الاتهامات الى رؤس النظام الفاسد
احمد عز و الناس ترد باطل امن الدولة باطل حبيب العادلى باطل الداخلية باطل الانتخابات باطل الحزب الوطنى باطل جمال مبارك باطل حسنى مبارك باطل
وكان هناك هتافات لتحفيز الشعب للانضمام فكانوا ينادوا يا اهالينا انضموا لينا و يشاوروا للناس فى البلكونات بالانضمام
او واحد اتنين شعب مصر فين
او انزل انزل انزل انزل
او لتحفيز الامن المركزى الذى كان به جنود متعاطفة مع المتظاهرين فكانوا يقولون لهم - يا امين ساكت ليه دى مش بلدك والا ايه
وعند نزول الجيش وانسحاب الشرطة
الشعب و الجيش ايد واحدة الشعب و الجيش ايد واحدة ارفع صوتك زى الناس احنا كرهنا الظلم خلاص ثورة حتى النصر صحى الخلق وهز الكون مصر بلدنا مش هتهون وثورة ثورة حتى النصر ثورة فكل شوارع مصر و يسقط يسقط الاستبداد و فى جمعة الغضب "الشعب يريد اسقاط النظام" "يا مبارك يا مبارك السعودية فى انتظارك" "اعتصام اعتصام حتى يسقط النظام" "التغيير والرحيل" "ارحل ارحل يا خسيس ارحل بقى خليك حسيس" "مبارك ...عفوا ..لقد نفذ رصيدكم" "الرئاسة مش بالعافية ..امشى يا اخى" "ارحل بقى ياعم خلى عندك دم" "مالكيش دعوة يا امريكا" "استقيل استقيل ...واحنا نحرس ارض النيل" "يا مبارك ياجبان ياعميل الامريكان" "حرية حرية" "كرامة حرية عدالة اجتماعية" "يا مبارك يا مبارك الطيارة فى انتظارك" "ارحل ارحل" "حكم 30 سنة في العصر .....هو إهانة للشعب مصر" "صحي الخلق وهز الكون.. مصر بلدنا مش هتهون" "يا أهالينا يا أهالينا.. ضمو علينا ضمو علينا" "يا أبو دبورة ونسر وكاب.. إحنا إخواتك مش إرهاب" "تمشى جنب الحيط.. أصل سكاتك مش هيفيد" "الإصلاح بقي شيء مطلوب... قبل الشعب ما يأكل طوب "يا وزراء طفوا التكييف .....مش لاقيين حق الرغيف"
هتافات في كل الأيام "مش هانخاف مش هانطاطى احنا كرهنا الصوت الواطى" "مش هانخاف من ابوك يا جمال...صوتنا العالى يهد جبال" "يا حرية فينك فينك ....امن الدولة بينا وبينك" "اللى خايف خايف ليه ...هوة فاضل لينا اية" "على وعلى وعلى الصوت واللى هايهتف مش هايموت" "باطل ...مجلس الشعب ...باطل...جمال مبارك...باطل....الحزب الواطى" "...باطل...حبييب العادلى...باطل...احمد عز ...باطل" "واحد اتنين الشعب المصرى فين" "يا اهلينا يا اهلينا يا اهلينا ضموا علينا" "اعتصام اعتصام ...حتى يسقط النظام" "يسقط يسقط حسنى مبارك"
يوم الرحيل والفرح الكبير "دلعوة يادلعوة ...ومبارك شعبة خلعه" "افرح افرح يا شهيد.. النهارده يوم العيد" "يا دستور يا دستور.. خلى بلدنا تشوف النور" "دم الشهدا يا شفيق.. إنت منه مش برىء" ومازالت الثورة مستمرة