وجه الفنان حمزة نمرة، الشكر لكل من سانده بعد أزمته الأخيرة وقرار شطب اسمه من سجلات نقابة المهن الموسيقية، قائلاً: "أنا باشكر كل حد وقف جنبى في اللي حصل ده.. مافيش حاجة هتقدر تعبر عن حبي ليكم يا جدعان.. أنا ربنا كرمني بيكم ويارب دايماً أفضل عند حسن ظنكم". وقال حمزة نمرة، عبر تغريدة له على موقع التواصل الاجتماعى "تويتر": "أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم. وكل واحد رغم اختلافه معايا ما منعوش الاختلاف إنه ينصفني.. أنتم على راسي من فوق والله". وتابع حمزة: "وأشكر مصطفى كامل لتوضيحه موقف النقابة، وده أفضل رد على الكلام العجيب اللي اتقال عني الأيام اللي فاتت، اللي مالوش أي أساس من الصحة". وأنهى كلامه قائلا: "وربنا يعلم أنا عمري ما غلطت في حق حد ولا أسأت لحد.. حتى لو حد ظلمني.. باسكت وما بادخلش في أي سجالات أو معارك لأن دي طبيعتي.. اللي هيبقى للإنسان هو السمعة الحسنة.. ربنا يكتبها لنا جميعا".