انا واحد من ثمانين مليون زى اى حد نام يوم 24يناير 2011وكان تعبان من ظلم ثلاثين عام . صحيت من النوم كالعاده فتحت التليفزيون على القناه الاولى على التلفزيون العظيم المصري . وبصيت فى الموبيل لاقيت اكتر من 2500 رنه وحوالى 250 رساله قولت اتصل باى حد من اصحابى افهم ليه كل هذه الرنات وكانت فى حاجه غريبه كل ما اتصل بحد الشركه بتاعة المحمول تقولى لقد تغير الرقم ضحكت قولة معقول كل اصحابى عملين الخاصية دي . قولت اقوم اخد حمام والبس وانزل اروح الشغل لفت نظري شئ مهم فى التلفزيون ان المذيع بيقول حاجات غريبه اوى . انتخابات ورئاسة وثوره وشعب بيختار قولت اتأكد ان ده التليفزيون المصرى لاقيت فعلان انه التليفزيون المصري اتأكد علشان لاقيته كاتب درجة الحراره 32 درجه وهى فى كل حته 38درجه . وسمعت كلام واسماء غريبه محمد مرسي وابوالفتوح واحمد شفيق وعمروموسي وحمدين صباحى قولة هو التليفزيون خرف ولا ايه . قولت اتابع بقا باين الموضوع جد وفجاه قالو احمد شفيق المتصدر وبعده حمدين وبعده ابو الفتوح حاولت اكلم اى حد يقولى ان الكلام ده حقيقى . فجاه الموبيل رن لاقيت واحد حبيبي بقولى .....حبيبي انت فين يابرنس وحشتنى مووووووووت ضحكت قولتلو ايه ياض يااهبل انا مش كنت معاك امبارح ضحك اوى وقالى طيب احنا امبارح قولنا ايه قولتلو انت مسافر انهارده على السعوديه وهتيجى بعد سنه وثلاث اشهر صح ؟؟؟؟ قالى تمام انت صح بس الكلام ده من سنه وثلاث اشهر فعلان وانا لسه جاى من السفر امبارح . قالى ده انت بتتكلم جد ؟؟؟؟ قولتلو ايوه وايه المشكله . قالى ياابنى ده فى ثوره قامت وحسنى مبارك اتنحى وعصام شرف جه رئيس وزراء وحبسو كل من العادلى وجمال مبارك وعلاء وحسنى وجرانه وكل النظام السابق انا قولو انت بتكذب ازاى كل النظام السابق وعمرو موسي واحمد شفيق مرشحين للرئاسة . ازاى النظام كله فى السجن وعمرسليمان حر طاليق وكمان المشير طنطاوى حلف ان ده اللى حصل روحت قافل فى وشه الموبيل ومكمل نوم تصبحو على خبر كل من اهل النظام السابق