أشترك ألالاف من جماهير نادى الزمالك فى جروب " أنا زملكاوي وعندي خط فودافون" (حملة ضغط زملكاوية) على الموقع الإجتماعى الفيس بوك لكى تدعم شركة فودافون نادى الزمالك في سنة المئوية. وقد قدم الجماهير شكوى للشركه جاء فيها : "الصفحة دي مش عشان مقاطعة شركة فودافون بالعكس أحنا مش ضد الشركة رغم أنها بتدعم النادي المنافس بالملايين سنويا والملايين دي سبب أساسي في فوز الفريق المنافس بالبطولات ، الصفحة دي معموله عشان شركة فودافون تعرف في كام واحد زملكاوي عنده خط فودافون ، واكيد لما تعرف حنقدر مع بعض نتعاون ونقنع شركة فودافون لتدعيم نادي الزمالك في سنة المئوية" دي نص الشكوي اللي أى زملكاوى يحب يساعد ناديه يتصل بالشركة ويسجلها سواء علي الخط الأرضي أو عالمحمول . وقطعآ لسان حال كل زملكاوى دلوقتى أنه يتبرع بجنية من مكالماته لحساب نادي الزمالك بس بشرط أن الشركة تعلن ده وتفتح الباب للزملكاوية للتبرع من خلال خطوطهم. ودى الخطوة الأولى من الحملة والبقية تأتى.