من كام وتلاتين سنة في نفس الشهر تاريخ محفور فوق جبين الدهر جيل ورا جيل بيحكي ازاي عملتي المستحيل وحققتي المعجزة بالإيمان والصبر ولادك نصبو الفرح عالجبهة وبدمهم جابولك مهر لجل ما يتحرر ترابك ماتو عشان تعيشي يا مصر والنهاردة انا جي أبارك وأعلقلك الزينة لكني شايفك حزينة ولابسة اسود في عيد ميلاد النصر وازاي تفرحي بعد اما سرقو منك الفرحة وعروكي وقلعوكي الطرحة وقالو فيكي ما في الخمر يرضيك يا خال مصر اللي كانت بهية زي الصبية توقف الحارة برنة الخلخال يرضيك تخش بيت الطاعة وتنباع بالأمر ولما كانت قاعدة حدي مديت لها كف يدي شاورتلي على خطين خط عمري اللي راح والتاني خط الفقر نيلك يا هبة النيل كمان شوية يقولولنا بح والقمح شح واللي مش هيموت م الجوع بكرة راح يموت من القهر من الشمال للجنوب من سينا للنوبة كل حتة فيكي يا بلدي منهوبة ومشي حالك يا عم عبد البر زمان كان زعيم عاش يكافح طول حياتة وزمانا اللي اختشو فيه ماتو واللي عاش اهو طفش منك عشان يموت في البحر ده من كام وتلاتين ستة في ليلة الفرح قتلو العريس و عينو جناب الرئيس جاب معاه الوريث وسلمة مفتاح القصر وجه الدكتور محمد من بلاد بره بيقولو بتاع ذره جاي راكب حصان ماسك في ايده بيان ممنوع من النشر وكأنه ماتش كورة ناس واقفة تشجع وناس تصلي وتدعي ده يقولك جمال وده يقولك برادعي ما هي اصلها مش رفه ولا هي رمية زهر وأنا قولتها كلمة اللي قبلي فدوكي بدمهم يا بلادي وفداكي أنا وولادي قومي يامه من رقدتك ألف بعد الشر تاليف شاعر اسكندرانى تحيه له
