عارفين مين ده , ده شهيد الواجب , ده اسد , بطل , وعارفين مات ازي؟ مات وهو بيأدي خدمته علي اكمل وجه ومش هقول اهمال ده عمره وقدره ونصيبه ومحدش كان هيقدر يمنعه ولو حبل من الفولاز , بس عارفين هيحصلو ايه بقي؟؟ هياخد 10 الاف جنية ومعاش , يعني مجابش تمن جموسة , ولا تمن تكتك , طبعا هيصرفوله اكتر من كده علشان اتنشر علي الاعلام وعلي المواقع واهو بالمره يطلعو الجيش شكلو حلو , لكن خلينا نتخيل كده لو متصورتش ولو محدش عرف كان هيحصله ايه؟؟ 10 الاف جنية ده تمنا؟؟؟؟ واكبر دليل علي كلامي ان فيه نقيب برضه من الصاعقه البحرية وقع من طياره وجسمه اتدشدش خالص وحاطلوه كام شريحة وادوله حقنه غلط خلوه يتشل بعد ماكان بيتحرك ورفضو يسفروه ويعالجوه والجيش كله عارفه , مرتبه اللي ناس كلها بتبصله ومش بيبصو للي بياخدو ملاين , هينفع ابنه في ايه لمه يبقي يتيم؟؟ , هينفع ابنه في ايه لمه مايلقيش ضهر له ولمه يتسأل يقول بكل فخر انا ابوية شهيد وانا مشفتوش ولا وعيت عليه , هينفع مراته في ايه لمه تبقي ارمله مش لاقيه تصرف علي ابنها , اوعي تفكرو المعاش اللي هياخدو هيبقي زي المرتب ولا هيكفي ولا هيعوضهم عليه , ذنبه ايه انه يموت ومفيش قناة واحده تخلي عند ابوها دم وتعلن الحداد , ولا لازم يكون من الثوار ولا الفلول ولا الاخوان علشان تحكو عنه , ده حتت ظابط لا راح ولا جه , ولا لازم يموت علي الحدود علشان تنشرو عنه وتوصفوه بأنه جبان ومقدرش يدافع عن نفسه؟؟؟ , ولا لازم يموت في ميدان علشان تشمتو فيه ؟؟ هتقولي مافيه ناس بتموت وهي شغاله عادي جدا , اه عادي مفيهاش حاجه بس ده ميت علشانك وعلشان بلدك واهلك , علشان مستقبل عيالك لا يا استاذ مكنش بيحرر فلسطين ده كان بيتدرب ليوم اسود من الطين !!! ياراجل ده المتحدث العسكري مكتبش سطر واحد عنه , مع انه كتب اول ما سيادة الوزير مسك ياجي 20 سطر , هو ده اقل من الوزير في ايه؟!!! ولا علشان جيش يبقي خلاص يتداس علي رقبة اللي خالفوه وتقولو هو اللي اختار , ده الشرطة لمه واحد اخد بلي في ايده عملو فرح ويقولك اصابة ظابط شرطة!!!! لحد امتي هيفضل دمنا ارخص من المايه , لحد امتي هنفضل منسين ومهملين وساكتين؟؟ لحد امتي الفرسان تموت ومحدش يعرف عنها حاجه؟!! انا قلت اللي عندي ورضيت ضميري ومش خايف من حاجه ومستعد لأي حاجه , ماهو اصل انا مش اقل منه :)
