لايماني الشديد ان " الانسان عدو ما يجهل " و ان سبب رئيسي في وجود زي عداء بين بعض (و ليس الكل طبعا ) المسيحين و المسلمين , ان الاتنين مش فاهمين بعض ... و نظرا اني عشت مع المسيحين فتره طويله من حياتي :D اقدر اوضح بعض النقط اللي ساعات كتير بيستغلها بعض المتطرفين و يسخنوا بيها الاحداث , زي مثلا ان في تنظيم بيجمع كل مسيحين مصر و كأن كلهم مستين ال sms من البابا عشان يقولهم اعملوا ايه ... و حاجات غيرها كتيره , و حقسم الموضوع لكام نقطه عشان يكون اسهل : 1- الاسر الجامعيه المسيحيه : في بعض المسلمين , بيستغربوا ان في مجموعات من المسيحين ملمومين علي بعض بطريقه غريبه شويه ... و بالتالي بيتعرف المسيحين في كل جامعه او حتي كل كليه من لمتهم ديه :D , انا عمري ما انسي روحت ازور واحد صاحبي في هندسه عين شمس .. و بكلم واحد علي البوابه و بقوله ليا واحد صاحبي اسمه فلان .. عرف انه مسيحي من اسمه قالي حتلاقيه في المكان الفلاني :D و فعلان كان هناك و اكتشفت ان ده مكان المسيحين في الكليه :D :D ... انا مش حقارن اسر الاخوان او اسر السلفيين بالاسر المسيحيه ... لان أسر المسيحين الجامعيه ديه "المفروض " مجموعات روحيه ...... يعني معندهومش ايدولوجيه او اجنده فكريه عاوزين يطبقوها فبينافسوا علي انتخابات اتحاد الطلبه مثلا عشان يحققوها... الاسر الجامعيه المسيحيه هدفها في الاساس تقويه الطلاب المسيحين روحيا , يعني مجموعات يحضروا القداس مع بعض .. يشجعوا بعض في التدريبات الروحيه زي الصلاه , قال يعني مقطعين الصلاه :D :D ... ساعات للاسف بتحيد عن هدفها .. بس لو سألت نفسك ليه المسيحين عملوا كده حتعرف ؟؟؟ للاسف المسيحين بيتعرضوا اجتماعيا لنوع من انواع العزل المجتمعي ... لمجرد كونهم مسيحين ... عايشين خوف , ممكن يكون مش مشروع في بعض الحالات .. بس مينفعش نخفيه ... لما طالب مسيحي في الكليه يعرف ان لو اتخانق مع طالب مسلم ممكن الموضوع يتحول لمعركه , و بتنتهي بان حقه يضيع .. طب و ليه من الاول ... فبيبعد ... و يلاقي اللي زيه ... لما بنت مسيحيه تكون طالعه رحله و تلاقي كل صحباتها المسلمات عندهم فكر مختلف عنها ... و ممكن تلاقي المسلمه اللي اهلها مخوفنها من صاحبتها المسيحيه .. و قايلن لها " ديه بس عاوزه تصحبك عشان تنصرك !! " فشيئ طبيعي جدا ان الخوف من الطرفين يخلق مسافه في التعاملات بينهم و بين بعض .... 2- قداس العيد : مستحيل انسي واحد صاحبي مسلم كان بيهزر معايا و قالي "انتوا عندكوا شويه مزز مسيحات جامده :D " ... ضحكت و قلت له "فين دول ؟؟ " .. قالي " يا عم شوف القداس اللي كان من اسبوع بليل ده " قصده قداس ليله العيد ... للاسف في معلمومات غلط عن القداس المسيحي و خصوصا لو فرح في الكنيسه كده تبقي خربت :D :D في معلومات ان المسيحين بيشربوا خمره في القداس بتعهم ... و ان مثلا ليله راس السنه بيطفوا النور و يبوسوا بعض :D للعلم الكلام ده انا سمعته بودني .... للاسف في بعض المتطرفين عشان يكرهوا الناس في المسيحين بيشوهوا صورتهم بطريقه اقل ما يقال عليها "طريقه ساذجه اوي " ... بيستغلوا كره الناس ديه للمسحين في حاجه زي الانتخابات , شوفوا المسيحين المنحطين اخلاقين حيرشحوا مين و علطول , يبقي المرشح التاني من غير تفكير ... بيستغلوا كره الناس ده عشان , يغرسوا الكره في اي حد زي ما هما عاوزين.. الاول يكره الملحد .. و بعدها يكرها المسيحي .. و بعدها يكره المسلم اللي زيه !! ما اصل اللي بيكره مبيعرفش يحب !! ... التصحيح ... المسيحين مش بيشربوا خمره "ده عصير عنب خالي من الكحول" .. التصحيح المسيحين مش بيبسوا بعض "ده الستات بتقعد في حته و الرجاله في حته و كمان الستات بتحط اشارب علي راسها " ... تصحيح البنات المسيحيه مش منحلات اخلاقيه " لو مجرد شعر او جيبه بيتعبوك و مش بتعرف تنام بليل " يبقي انت عندك مشكله من تحت لازم تحلها بسرعه :D :D 3- ساويرس :D طبعا مفيش نقطه اسمها ساويرس .. بس انا بتريق علي الناس اللي متخيله ان الكنيسه ده تنظيم تحت الارض .. و كأننا عايشين في المجاري مع سلاحف النينجا :D و اللي بيمولنا عشان نتدرب و نجيب معدات النينجا هو ساويرس ... و الاسخف ان في ناس فاكره ان كشافه الكنيسه , بيتدربوا علي الاسلحه :D خليني احبط لك كل احلامك .. الكشافه دول "مع احترامي لاصحابي بتوع الكشافه " أهبل بشر ممكن تشوفهم في الحياه ... هو الواحد منهم يروح اليوم الكشفي بتاعهم "ده يوم في الشهر بتوع الكشافه بينزلوا الكنيسه " .. و في اليوم ده يفضلوا يربطوا و يفكوا في الحبال و يرشوا علي بعض مايه :D ... عشان مطولش في النقطه ديه خليني اقولك لو المسيحن فعلا ليهم تنظيم او قادرين اوي .. مكنتش حتشوف الكنيسه اللي بتتحرق او المسيحي اللي بيضرب و حقه يضيع ... في النهايه , انا حاولت اوضح كام نقطه , اكيد الموضوع من وجهه نظري مع اني حاولت برضه اكون محايد .. بس مفيش القاعده الثابته .. في مسيحين عاوزين حرق بجاز :D و في مسلمين اكتر من اخواتي ... و غصب عن اي حد بحبهم بجد .. و انا لما بقرا كتاب اسلامي او انزل احضر خطبه الجمعه .. او حتي لما يجي واحد يقولي صلي علي النبي و اقوله "عليه الصلاه و السلام " .. مش بكون اسلمت , بس بكون انسان بحترم الفكر الاخر و معنديش مشاكل مع اي حد مختلف عني .. بس لما اسمع واحد بيغلط في المعتقدات المسيحيه او البابا مثلا مش بزعل منه بس بزعل عليه , مش عشان اهان معتقداتي .. لا خالص .. يهين برحته , مش ده اللي حيقلل من المسيحيه او يزودها .. و لا حتي محتاج ادافع عشان برضه معتقداتي مش محتاجي مدفعتي .. بس بزعل علي الانسان اللي بيموت جوا الشخص ده ... " اما ان نتعلم ان نعيش معا ... او ان نهلك معا كاغبياء " مارتن لوثر