النظافة من الايمان هذا هو شعارنا ، ولكن ما حدث فى هذة الاونة الاخيرة من تراكم القمامات فى الشوراع نتيجة الإضراب الذى قام بة عمال النظافة ، مما ادى سخط المواطن البحرواى ، وكعادة ميدان البحيرة ان تنزل لإستطلاع رأى الشارع وكان معانا عدة لقاءات مع المواطنين . اشارالحاج محمد – صاحب محل سمك – الوضع ما يرضي به أحد الذباب على السمك والرائحة كريهة ، وهذا سيؤثر على عملية البيع ، والبلد مش ناقصة ولا الواحد ناقص وحتى عمال النظافة عاملين اضراب دة مش وقتة خالص ربنا يستر على البلد . واكد ابو محمود – صاحب سوبر ماركت – انا اول مرة اشوف البلد كدة كل واحد مش عجبة حاله ،يعمل اضراب مفش صبر لحد ما الاوضاع تتظبط وانا عايز افهم فاتورة النظافة مبالغ فيها و مبلغ وقدرة مين اللى بياخد الفلوس دى ؟؟!! اوضحت ام محمد – ربة منزل – الزبالة بقالها كذا يوم قدام البيت وانا عندى اولاد صغار نعمل اية دلوقت نستنى لحد ما يصاب الأطفال بالمراض ، علي الحكومة ان تشوف عمال النظافة عايزين ايه وتريحهم وتريحنا ، الواحد تعب من بعد الثورة عايزين استقرار .. الحاج اسماعيل – صاحب محل قصب - المفروض الحكومة تريح الناس والمفروض عمال النظافة يصبروا مش يسيبوا البلد توصل لهذا الحال ، نحن قللنا من ساعات العمل بالمحل لأن كثرة القمامة مع إنتشار الذباب ، حرام دة اكل عش بردة واحنا بنطالب برجوعهم عشان البلد تنظف . ام ايمن – مدرسة - الواحد دلوقت مش عارف حيودى القمامة فين كل مكان اصبح ملئ بالقمامة والصيف خلاص جى وانا خايفة على العيال انهم نزلوا الشارع بسبب الامراض بنقول لعمال النظافة حرام عليهم لما يضروا بصحة كل المواطنين ويطالبوا بحقوقهم بس مش على حساب صحتنا .