قالت هبة، إحدى ضحايا "بوسي" مستريحة الشرقية الجديدة: "إن المستريحة دخلت علي بأنها بنت ناس ومُدرسة ووالدها تاجر كبير وعائلتها من الأغنياء فلم يكن لدى اي اختيارات أو شك إنها نصابة، وإحنا عارفينها من زمان لأنها كانت في مدارس ولادنا وكانت في البداية تشتري بعض الأشياء وتبيعها من المنزل". وأضافت "هبة " في مداخلة هاتفية لبرنامج "يحدث في مصر" على فضائية "إم بي سي مصر" اليوم الأربعاء: "بدأت إعطائها الأموال في نوفمبر 2021 وبدأت ب 20 ألف جنيه وكانت تتصل بي قبل معاد الأرباح وتقول لي تعالي خدي أرباحك وكانت الأرباح 1000 جنيه شهريًا وحصلت على أرباح شهرين"، موضحة: "في شهر يناير سحبت مني مبلغ آخر كان 150 ألف جنيه ثم 300 ألف جنيه، حتى وصل المبلغ الذي سحبته مني إلى مليون و250 ألف جنيه ومتسألنيش إزاي". وتابعت: "معرفش ازاي اديتها المبالغ دي ولكن ليها طريقتها وأعرف ناس فكوا شهادات استثمار من البنك وقلعوا ذهبهم من أيديهم وأعطوه لبوسي مستريحة الشرقية"، مؤكدة: "قدمنا البلاغ آخر يوم في رمضان لأني عرفت إن ناس تانية مقدمين البلاغ لأنها كانت تعثرت مع ناس قدام معاها". وأردفت إحدى ضحايا بوسي مستريحة الشرقية الجديدة: "أنا معرفش حصل ازاي كده معايا وهي عليها طريقة إقناع غريبة، وأنا كان معي الفلوس دي نتيجة بيعي لقطعة أرض وورث أهلي، ومعي منها إيصالات أمانة"، مؤكدة: "مستريحة الشرقية معروفة لينا وهي ناصبة على ناس أصدقاء عمرها ومعاها من 30 سنة، وناس كتير وكانت بتقوم بعمل جمعيات وهمية". ورد عليها الإعلامي شريف عامر: "عارف إنك خريجة تجارة هل في مادة في كلية تجارة تقولك او تمنعك إنك تدفعي المبلغ دا كله مجاش في المنهج في أي مادة دا يعني؟!"، لترد: "كنت عايزة أدخل معاها في شراكة لبيع محل وقالت لي البضاعة عني وروحت لها البيت فجأة عشان أشوف البضاعة اللي هنأجر محل ونحط البضاعة فيه، وكانت بتقولي المحل هنفتحه في أبريل القادم وبدأت تتهرب مني، وعرف أن البوليس كان عندها ولكنها هربت". وأشارت: "بدأنا نلم الناس اللي اتنصب عليهم وهي مفهمه كل واحد إنه شغال معاها لوحده"، مؤكدة: "كانت بتقول للناس هتديهم أرباح 40 %"، ليرد الإعلامي شريف عامر: "مأخدتيش في تجارة إن مفيش حاجة بتدي أرباح 40 %".
