رد الفنان تامر عبدالمنعم، على مطرب المهرجانات حمو بيكا بعد حديث الأخير عنه، بأنه أكثر وطنية منه. وكتب "عبدالمنعم" عبر حسابه على"فيسبوك": "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش". وأضاف: "أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك". وكان مطرب المهرجانات حمو بيكا، هاجم الفنان تامر عبد المنعم، في بث مباشر عبر حسابه على إنستجرام، قائلا: "لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي". وأضاف:"كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو أنتوا ليه بتتنمروا علينا، ليه بتعاملونا كأننا حشرة ليه شايفنا زبالة.. لا إحنا ولاد ناس ومتربيين وعاملين ندوة كبيرة ماتستهزأش بيا، عصر أم كلثوم وعبد الحليم انتهى، إحنا في سنة 2021 ". وكانت قد أقيمت مساء أمس الثلاثاء، ندوة للفنان هاني شاكر، نقيب المهن الموسيقية، في صالون قصر السينما، بحضور رئيس قصر السينما الفنان تامر عبد المنعم، والمخرج هشام عطوة رئيس الهيئة العامة لقصور للثقافة والفنان أحمد صيام وفوزى إبراهيم ممثلا عن جمعية المؤلفين والملحنين، وأعضاء مجلس نقابة الموسيقيين. جدير بالذكر أن نقابة المهن الموسيقية، برئاسة الفنان هاني شاكر، أعلنت مؤخرا عن أسماء من ليس لديهم تصريح للعمل، والممنوعين من الغناء، وهم كالتالي: "حمو بيكا، حسن شاكوش، كزبرة وحنجرة، مصطفى زكريا الشهير بمسلم، أبو ليلة، أحمد قاسم الشهير ب فيلو، أحمد موزة، حمو طيخة، ريشا كوستا، وسمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة، شكل، عمرو حاحا، وعنبة، وحسن أبو الروس".
