انفعل الرئيس عبد الفتاح السيسي، أثناء كلمته بالندوة التثقيفية اليوم، موجها حديثه للإعلاميين "أحد الإعلاميين قال أن السيسي إزاي يقعد مع سيمنز وشايف إسكندرية بتغرق.. عيب ميصحش كده ". وكان الإعلامي خالد أبو بكر في برنامج "القاهرة اليوم" انتقد لقاء الرئيس بالشركات، وتاركًا الأزمات التي تمر بها البلاد، في إشارة للأزمة التي شهدتها محافظة الإسكندرية بعد هطول الأمطار بكميات كبيرة وغرق الشوارع وبعض المناطق بها. شاهد الفيديو من الدقيقة 22 وقال الرئيس السيسي إن التضليل الاعلامي يهدد مسيرة التنمية، مضيفًا: "القطاع الإعلامي " مليان كوارث ". وأضاف السيسي، "أنت عشان قدام منك كلام عاوز تقوله تعمل كدا فى بلدك ولا ايه ؟ احنا لازم نتعامل مع الموضوعات بالفهم اللازم.. وأحد الإعلاميين بيقول ": الرئيس قاعد مع بتوع سيمنز وسايب اسكندرية تغرق .ما يصحش كدا ..هذا أمر لا يليق ..انتو بتعذبوني انى جيت هنا ولا ايه ؟ ". شاهد لحظة انفعال السيسي وأشار إلى الأزمة التي وقعت مؤخرًا في محافظة الإسكندرية بعد هطول الأمطار بكميات كبيرة وغرق الشوارع وبعض المناطق بها، قائلًا: "السنوات الخمسة الماضية كان لهم تأثير كبير على قدرة الدولة وأجهزتها وبنيتها الأساسية، وكل مسئول يعرف هذه المشكلات جيدا، واحنا فى ظروف صعبة لها سنوات، ماحدش قال فى موضوع إسكندرية إن فيه 60 ألف منزل اتبنوا خارج التخطيط بدون صرف صحى أو كهرباء أو مياه..الخ، وهذا أحد أعراض السنوات الماضية. وتابع: "فيه بعض الناس فى الإعلام مش عارفه ولا فاهمة حاجة، حاطه ميكروفون قدامها وبتتكلم منه، غاضبا احنا مش بندوس على الزرار ونخلص، ونقول كل حاجة فيها كارثة، طيب يعنى الإعلام ما فيهوش كوارث ولا إيه؟". واستطرد: "أنا مش زعلان.. بس عاوز حد يقولي أنا اسأت لمين، اتحدى إن حد يطلع أى تعبير غير مناسب انا قلته لاى حد حتى للناس اللى بتسىء لينا وتتآمر علينا ، المرة الجاية انا هشتكي للشعب المصرى منكم موجها حديثه لبعض الإعلاميين".
