مكرونة فوتيتشيتي الفريدو من المطبخ الايطالي الوقت: وقت التحضير : 15 دقيقة وقت الطهي : 15 دقيقة الوقت الكلى : 30 دقيقة عدد الاشخاص: 6 المقادير * 2 x قطعة زبدة * 1 ½ x كوب (140 جرام) جبن بارميزان مبشور * 1 ½ x كوب (140 جرام) كريمة لبّاني * 1 x رشة ملح * 1 x رشة فلفل اسود مطحون * 1 x معلقة صغيرة بودرة ثوم * 1 x كيس مكرونة فوتيتشيني * ½ x كوب (140 جرام) جبن رومي مبشور
الخطوات 1. في حلة هانغلي ميه و عليها شوية ملح 2. بعد ما تغلى هنضيف عليها كيس المكرونة و نسيبها 8 ل 10 دقائق او لحد ما تستوي 3. على ما المكرونة تستوي هانبدأ نعمل الصوص. نجيب طاسة غويطة و نضيف الكريمة و هي على النار 4. نضيف عليهم الزبدة و نقطعها قطع صغيرة بالمعلقة الخشب و نقلب جيدا لحد ما تذوب 5. نضيف الملح و بودرة الثوم و الفلفل 6. نضيف الجبن الرومي و البارميزان و نقلب جيدا علي درجة حرارة متوسطة لحد ما يذوب الخليط و يبقى صوص 7. بعد تصفية المكرونة من المياه هانضيفها على الصوص و نقلبهم كويس. جاهزة للتقديم