كانت خناقه كبيرة بين ماما وبابا، ليه وليه ان بابا لسه محتفظ بجوابات غرامياته وهو صغير مع البنات وخصوصا بقي جوابات بنت كان بيحبها قبليها وهي عارفاها. ماما:لازم تقطع الجوابات، بابا: لايمكن ابدا استحاله، وراح قايم جايبهم وهاتك ياقرايه وقعد يقرالنا الاشعار اللي كان بيكتبها للبنت ديه وعلي طريقة كتابة الجوابات علشان لو وقعة في يد اي حد (كانو بيكتبوها بالارقام علي الحروف الابجدية،يعني26تساوي حب) وبجد اول مره احس فيها بجد ان بابا عنده مشاعر جامده كده وقرالنا من شعره قصيده اسمها تسألني : لماذا... أزرع الصمت في شفتي عندما اكون معك وأترك في عيني نظرات حيرا فيها كل معاني القلق والاستقرار ........ وماذا أقول لك ؟؟ كيف اشرح لك ما يجري لي وانا معك ...... عندما اراك لست أدري ؟ أتجمد امام عينيك ... واتوه في بحار من الضياع. وقرالنا حاجات تانية كتييييير، وثبت ماما بكلمتين حلوين وقالها بس انت ام العيال والحب الحقيقي لكن اللي فات ده كان مراهقة وانتي ام العيال والخناقه الحمد لله خلصت علي خير وماما عدتها بسلامة.