اللى عاشوا ع الهوامش ماتوا برضه في الخفا واللى ياما إتمنوا لحظة يحسوا فيها بالدفا وسط عتم الكون وبرده واللى عاشوا وماتوا خلسة واللى دافعين التمن واللى قبل الحلم كانوا تحت رجلين الزمن واللى لاعن سلسفيل عصره وزمانه واللى شارب من كيعانه لسه شارب اللى عاجبه نشوة الخمرة في كاسه واللى كاتم صوته ساكت واللى قاعد كيف مَدَاسه واللى صبَّر قلبه إنه زى أهله وزى ناسه وإنه عارف إن حلمه مش مقاسه لعبة الحظ الكبيرة والقدر خطط لهم إن بعد الثورة لسه يفضلوا في الكون يقاسوا