المره الي فاتت كلمتكم عن اهمية الفيس بوك في اننا نجد فرص عمل و نفتح لنفسنا ابواب جديدة ... النهارده هنتكلم عن باقي الشبكات الإجتماعية و نتعامل ازاي مع باقي الفرص علي الإنترنت هكلمكم النهارده Linkedin و google و مواقع التوظيف وكمان العمل عبر الانترنت ...من بيتك كل الي مطلوب شوية مهارات وخط انترنت كويس وسريع ووقف ... نخش في المفيد الشبكة الثانية الي انا شخصيا بعتبرها أهم الشبكات الإجتماعية في مجال البحث عن عمل هو LINKEDIN ... الشبكة دي زي شبكة الفيس بوك بالظبط ... بس الاعضاء بتوعها كلهم شغالين في كل المجالات الي ممكن عقلق يتصورها .. شبكه محترفه يعني مفيهاش هزار ... الناس فيها بيتقابلو علشان يتبادلو المعلومات واحتياجاتهم في مجال شغلهم. انا في الشبكة دي بتعرف علي مين؟؟؟؟ يعني مين هم اصدقائي؟؟؟ 1- مسئولي الموارد البشرية 2- مديري المؤسسات ايا كان حجمها . 3- مسئولي التدريب والتطوير. لو عملت علاقات عامله مع كل دول.... هيتفتح قدامي ابواب جديده وفرص جديده الحاجه الأخيره مواقع ال Google, Yahoo, MSN المواقع دي كلها بيكون فيها مجموعات ... من ضمن المجموعات دي برضه مجموعات لاعلانات الوظائف والباحثين عن عمل ادور علي المجموعات دي وأشترك فيها هيبعتولي رساله علي البريد الألكتروني بتاعي وبكل الفرص المتاحة وكيفية الاتصال بيهم . دا كان بالنسبة للشبكات الإجتماعية ... لكن فيه كمان من خلال الإنترنت حجات تانيه كثير جدا ... منها..... • مواقع التوظيف داخل مصر وخارج مصر. و المواقع دي بيكون فيها اعلانات عن الوظائف المتاحة سواء في مصر او خارج مصر كمان ازاي اجد المواقع دي ؟؟؟؟ 1- ترشيحات من أصدقائي الي في الشبكات الإجتماعية . 2- البحث علي النترنت. • مواقع العمل عن بعد . المواقع دي بيكون فيها وظائف ممكن اشتغلها من بيتي ... هو ممكن الكلام دا؟؟؟ اه ممكن ... ممكن جدا كمان . طب ايه الوظائف المتاحة ؟؟؟؟ كتتتتتتتير جدا و تقريبا كل التخصصات منها ... 1- ادخال البيانات. 2- الترجمة بكل اللغات. 3- اعمال السكرتارية. 4- حجز تذاكر الطيران. 5- كتابة المقالات . 6- التسويق الألكتروني. 7- بعض اعمال العلاقات العامة من خلال الانترنت. 8- تصميم المواقع الألكترونية. 9- تصميم الجرافيك. 10- إدارة المواقع الألكتورنية . وعلشان اشتغل في المواقع دي مهم جدا جدا .... اني اكون اعرف كمبيوتر كويس جدا وكمان انجليزي كويس جدا ... مهو بالعقل كده ... هتعامل عبر الانترنت مع اجانب ... اكيد مش هتعامل معهم بالعربي يعني وتاني ارجع و اقول ... السعي بيجيب شغل .. والي هيستني الشغل يجي لحد عنده هيستني كتير اوي .. العواف واشوفكم المقال الجاي
