على صوتك وكبر .. فكرنى بالنشيد وردد الله اكبر .. وقيد الشمع قيد إحنا ولاد الكرامة .. إحنا أصل الشهامة والنصر دايماً حليفنا .. وبيجرى فى الوريد على صوتك وكبر .. وقيد الشمع قيد *** عزمنا وإتحدينا .. كلمة مستحيل وقلنا خلاص نوينا .. نرجع أمجاد ماضينا إرفع راسك يا نيل .. إرفع راسك يانيل *** أنا فاكر زى النهاردة .. يوم ما عملوها الوحوش لما حلفوا ألف مرة .. إن هما ما يناموش غير لما يبقى رمل سينا .. كل حباته فى إيدينا وعهد يكون علينا .. ان إحنا منسيبوش أنا فاكر زى النهاردة .. يوم ما عملوها الوحوش *** الساعة إتنين الظهرية .. وفى عز الحر هاج بركان الغضب الساير .. وراهم بجحيمه المُر عدا الشط وهدم الخط .. وقال أنا مصرى ودايماً حُر عمرى ما طاطى لندل وواطى .. حاول ينهش لحمى المُر *** وبكل شجاعة قام وإتصدر .. عبر المانع هلل كبر هز قلوب العدو الخاين .. ذاد الرعب فى جواه اكتر الله اكبر .. الله اكبر *** زرع الأرض وحوش مشتاقة .. تنهش كل إيدين سراقة تمحى ظلام الظلم السايد .. تزرع جوه قلوبنا جراءة تكشف وش ضلال متنكر .. على صوتك هلل كبر قوم مع أول طلعة شمس .. فى عيد النصر نور شمعة تمحى فيها ظلام الأمس .. تروى سلام الدنيا السامعة بحبك أكتر .. الله أكبر .. الله أكبر .. الله أكبر