وجهت الفنانة زينة رسالة قاسية للفنان احمد عز الذي تقاضيه لإثبات أبوته لتوأمها "زين الدين" و"عز الدين"، وذلك عبر مكالمة هاتفيه لها مع الإعلامية شريهان أبو الحسن ببرنامج "ست الحسن" على قناة "اون تي في". وقالت زينة لعز: "عيب أوي اللي أنت بتعمله ده، فضحت نفسك وفضحتنا معاك، مش رجولة انك تحارب أطفال، وواحدة ست أمهم، اللي أنت اتجوزتها، والحقيقة عندك وعندي وعند ربنا، الناس لو عرفت الحقيقة مش هترحمك في الشارع، أنت رامي طفلين، روح اتبرع بالفلوس اللي بتصرفها على المحامين، لمستشفى 57357، زكا عن ولادك، اللي كانوا عيانين في المستشفى، انت صعبان عليا وصعبان عليا اللي بتعمله، مش هسيب حقي وحق ولادي وهآخد حقي من حبابي عينيك، حسبي الله ونعم الوكيل فيك". وتابعت زينة: "أنا مذهولة إن فيه ناس كدا، المفروض يكون عندك إحساس عشان انت فنان، جمهورك مابقاش بيحبك دلوقتي، بعد اللي أنت عملته، ربنا بيتسر، استر يا أحمد يا عز، ولادك هيعرفعوا ياخدوا حقهم منك كويس، أنا أجريت تحليل الDNA أكثر من مرة بالفعل، وأجريته في الولاياتالمتحدةالأمريكية، وعز عارف نتيجته بالفعل، ولا يستطيع أن ينكرها، وتفاجأت برد فعله فور عودتي من الخارج".