أثار خبر اختطاف و حجز الإعلامي المثير للجدل توفيق عكاشة في مدينة بلقاس، سخرية وتهكم الفيسبوكيين على الصفحات والجروبات المختلفة، على الرغم من تصريحات عكاشة بأن ذلك الخبر غير صحيح مشيرا إلى أن حركة 6 أبريل هي من وراء ذلك الخبر المشين. تعود وقائع الحادثة، عندما نشر خبر أن اهالي بلقاس بمحافظة الدقهلية، اعترضوا على قدوم توفيق عكاشة لمدينتهم من أجل حملته الانتخابية، ليصره الاهالي منددين بقدومه خاصة أنه العدو الاول للثوار، وبين الشد والجذب بين رجال عكاشة وأهالي بلقاس قيل إنه تم إطلاق رصاصتين من قبل حراسة عكاشة أصابت اثنين من المدينة، مما زاد من حالة الاحتقان. إليك أجمل العبارات القلش التي قيلت على احتجاز توفيق عكاشة بمدينة بلقاس: ننفرد بأول تصريح لعكاشة بعد خروجه م البيت اللي كان محبوس فيه ف بلقاس ( دقهلية ) عكاشة : و انا ماشي ف بلقاس طلعوا عليا جماعة وحبسوني في بيت لوحدي وقالولي يا نقتلك يا ن .. ن .. ن .. مراسلنا : وعملت ايه يا عوكشة ؟! عكاشة : قتلوني طبعا - المفروض يدوله حزمة الجرجير يعدها وميخرجش الا لما يعرف فيها كام عود ...ويزغط البطة وميخرجش الا لما يعد فيها كام ريشة - عكاشة متجيبلهم البطة واخلص عشان تروح - حرروا توفيق عكاشة عاوزين نضحك,,كفاية القذافي اتقتل - الماسونيين وصلوا حتى بلقاس - يقال والله اعلم...ان اللي عمل الحركة دي في عكاشة....الست هيلاري كلينتون عشان جاب في سيرتها #انتقام_نادية الجندي ستايل - توفيق ابن المعلم عكاشه اتعكش يارجاله... تصحبك السلامه تيفه.. جو تو هيل... - والنبى ماينزل الا لما يعمل عجين الفلاحة - بتوع العباسية هيقرفونا يوم الجمعة الجاية لو عكشة جراله حاجة - باسم يوسف يطالب بحريه عكاشة سيبوه ده بتاعي أنا - أنباء عن مظاهرة بط بلدى فى الطريق لبلقاس لإنقاذ عكاشة - عكاشة في تصريح خطيررر : انا زغطت وإتزغطت !!!! - عوكشة انهزم يا رجاله - عوكاشة : يخطفوني ايه!! ومين دول اللي يخطفوني؟ ياعم ده كان خلاف صغير مع أهلي وصحابي ناس عايزين يعشونا فول وناس بتقول لأ درة