كانت ثورة القصاص "8 يوليو" حاشدة بالثوار وأيضا بالصور الطريفة و التعليقات الجديدة والأغاني الحماسية على الطريقة الشبابية. ومن التعليقات التي أخذت تتردد بقوة على صفحات الفيس بوك و أيضا في هتاف الثوار بميدان التحرير: - ليه تهرب برّه و تأخذ حكم غيابي، لمّا ممكن تقعد جوه و تأخذ براءة, القضاء المصري .. أم الأجنبي. - ايوه خطاب عصام شرف حلو جداً .., بس هو عايز ايه بالظبط يعنى الثوار يمشوا و حقوق الشهداء و فلوس الشعب تجرى إذا كان كده ماشى. - الأمن عايز سلطة و السلطة عند العسكر و العسكر بابه مسنكر و المفتاح عند الثوار و الثوار نايمين ننا ...و الثورة بتروح منّا و الحريه بتتكلبش و الاقفال جوه الدستور و الدستور عايز ترزى و الترزى قاعد عطلان قال مستنى البرلمان برلمان يعنى انتخابات تيجى إزاى من غير ضمانات والضمانات في إيدين الأمن و الأمن عايز سلطه - إحنا اللي قرينا ملفاتنا في مقرات امن الدولة، إحنا اللي خرقنا حاجز الصوت، و إحنا برضه اللي وقفنا علي عواميد النور، إحنا بتوع ثورات .. مش بتوع سندوتشات فخور أني مصري - المجلس العسكري بيفكرني بمجدي عبد الغني، بقالوه 20 سنة بيذل أهالينا بأم الجون اللي جابوه، و المجلس العسكري بيذل أهالينا عشان مضربناش في الثورة، لا مصر صعدت للدور الثاني في كأس العالم، و لا مصر اتغيرت بعد الثورة - أيام الأسبوع.. سبت، أحد ، اثنين، ثلاثاء ، أربعاء، خميس، تحرير - شعار الإخوان في جمعه النهاردة، ثورة ثورة حتى العصر - وتعليقا علي صورة الشاب المذهلة الذي صعد أعلى عمود الإنارة، ورفع علم مصر، ليرفرف كتب: ارفع رأسك فوق .. عشان تشوف المصري - جرى ايه يا مجلس ؟؟ هو احنا بنكلم نفسنا و لا نازلين نتشمس في الميدان ده مش رصيدكوا بس اللي خلص ... ده الشبكة واقعة خالص هو انتوا موبينيل - القصاص دح دح...و الدية كخ كخ - إخرج إخرج يا جبان .. متمثلش إنك عيان أما أبرز الصور التي أخذت تتداول علي صفحات الفيس بوك، واحتلت الصدارة في الصور الرئيسية للحساب الشخصي للفيسبوكيين، هي صورة الشاب المصري الذي استطاع أن يتسلق عمود الإنارة ليرفع علم مصر. كما توجد صورة مبدعة استطاع أن يصنعها شاب مصري، وهي تمثل رجال طره البارزين لتنال أكبر قدر من التعليقات علي الفيس بوك. في حين لا يمكن أن يغفل الثوار الأغاني الوطنية الحماسية، ولكن التي تغنى على طريقتهم الخاصة، فظهرت أغنية بعنوان "قلة مندسة"، و" متنزلش الميدان"، " ليه يا مجلس نفضت". يذكر أنه تم تدشين صفحات جديدة علي الفيس بوك تلازم أحداث ثورة القصاص و تدعو الشباب إلى الإصرار علي النزول لميدان التحرير وإقناع الأهل بضرورة فعل ذلك، لأنه واجب وطني لا غني عنه، وبما أن معظم الصغار يرفض الآباء نزولهم للميدان خشية من البلطجية كانت أغلب الصفحات تدور حول تلك النقطة: منها " لو ربنا قالك ده غلط قالها عشان مصلحتك"، " فكك من أهلك .. وانزل الميدان"، " ثورة الشعب مستمرة"، "الرجل اللي واقف فوق العمود".
