تحت عنوان "ابدأ بنفسك" قام الفنان بإطلاق حملة من خلال صفحته الرسمية على موقع "الفيس بوك"، من أجل تطوير المجتمع المصري ودفعه الى مزيد من المسئولية تنعكس على موقع مصر بعد الثورة. وبحماس شديد وضح السقا سبب إطلاقه لهذه الحملة، قائلاً: ''ليه كل واحد بيرمى سلبياته ويقول ماهو كل الناس بتعمل كدا اشمعنا انا يا جماعة لو فضلنا نرمى سلبياتنا على بعض عمر حالنا ما هيتغير ومن النهارده كل واحد يبدأ من نفسه الاول واول يوم فى حملتنا دى هيبقى ...انا مش هرمى حاجة في الشارع تاني.. أنا مش هافتح عربيتى وارمى علبة حاجة ساقعة او منديل هاستنى لحد ماوصل لسلة زبالة اولما اقف بالعربية وارميها فى سلة زباله ياريت كلنا نتفق على دا ..ونقسم بالله اننا فعلا ننفذ دا ونعامل ضميرنا ومانرميش حاجة فى الشارع ونقول احنا مالنا ..انت احسن يبقى انت لازم تتغير". وأضاف السقا:'' لو نفسك المصريين يكونوا ايجابيين.. ابدأ بنفسك..لو شايف اننا لازم نركز في بناء البلاد..ابدأ بنفسك..لو شايف ان المصريين لازم يغيروا كتير من سلوكياتهم..ابدأ بنفسك...لو شايف اننا لازم نحترم اشارات المرور.. اننا لازم نحافظ على نظافة الشوارع.. ان لازم المصريين يشتغلوا باجتهاد .. ابدأ بنفسك.. كن انت التغيير الذى تريد ان تراه..ابدأ بنفسك :: حملة هنتبديها مع بعض". ولم يوضح السقا ما إن كان سيواصل حملته عبر التواصل مع جمهوره من خلال الفيس بوك فقط، أم انه سيتجه خلال الأيام القادمة إلى فتح باب الاشتراك في الحملة من أجل تنظيم جولات توعوية أو جولات لتجميل شوارع القاهرة والمحافظات. كذلك يقوم السقا حالياً بتصوير بعض الدعاية لعرضها بالتزامن مع بدء الحملة لتعريف أكبر قطاع ممكن من الشعب المصري بها.