استنكر نشطاء على مواقع التواصل الاجتماعي تصريحات عبدالفتاح السيسي، قائد الانقلاب، حول حادث اغتيال عدد من الأقباط في هجوم لتنظيم داعش الإرهابي، واستنجاده بالرئيس الأمريكي "دونالد ترامب". وحسب تقرير استعرض آراء النشطاء في برنامج "رمضان كريم" على قناة مكملين، قال صاحب الحساب "محمد ديمو": "سيارات دفع رباعي جت من الصحرا لحد المنيا نفذت الهجوم ورجعت تاني، لو هي جاية من ليبيا يبقى أنت خروف ومش عارف تأمن حدودك، ولو مش جايين من ليبيا يبقى أنت استغلّيت الحدث عشان تساعد حفتر اللي كل يوم قواته في تقهقر قدام جيش الثوار، وتطلع تخاطب ترامب أنه يساعدك في الحرب على الإرهاب، وتبالغ في تمجيده ومدحه، أنت لو قاصد تعرف العالم أنك أنت اللي عملت كده مش حتعمل كده". وقال أنس حسن: "السيسي قصف معسكرات مجلس شورى مجاهدي درنة بحجة أنهم داعش، اللي نفذوا هجوم المنيا، في حين أن مجلس مجاهدي درنة من القوات التي تحارب داعش وطردتها من ليبيا، لكن بهايم السيسي ثقافتهم السياسية صفر، السيسي يقدر يمشيهم يمين وشمال، وده بيوضح قد إيه السيسي بيستفيد من النوع ده من العمليات ويوظفه شعبيا وعسكريا، بحيث يخدم أهدافه الداخلية والخارجية". أما صاحب الحساب الدكتور علي الضيف فقال: "شوف يا أخي الإرهابيين ضربوا أتوبيس المنيا ورجعوا جري عشان يلحقوا ياخدوا الضربة الجوية من بدايتها، وللأسف فيه ناس منهم اتأخروا ملحقوش يشوفوا الضربة بس شافوها فيديو". أما صاحب الحساب أحمد جنيد، فقال: "قبل ساعات من أول ليلة من رمضان حريق سوق إمبابة المركزي بالكامل، قتلى في هجوم مسلح على حافة للأقباط في المنيا، أخبار غير مستغربة أبدا بالنسبة لي في ظل يقيني الذي لا يقطعه شك بسخط الله على هذا الشعب ولعنة الدم". أمّا محمد بن جمال فيقول: "مسلسلات رمضان مش حتقف حداد عشان دي غالية ومتكلفة مليار جنيه، بس معلش حنحط لكم شريطة سودا عشان تعرفوا إننا مش ناسينكم".
