خطفت المراوغة الرائعة لأنخل دي ماريا والسقوط المهين لكارليس بويول بالإضافة إلى تألق رونالدو كل الأنظار والتعليقات على شبكات التواصل الاجتماعي أثناء مباراة برشلونة وريال مدريد يوم الثلاثاء. شاهد ايضا * بالفيديو انتهت - ريال مدريد 3-1 برشلونة * صورة - فيرجسون يتجسس على ريال مدريد من مدرجات كامب نو * بالفيديو .. ركلة جزاء مثيرة للجدل لبرشلونة؟ * لقطة المباراة .. الحكم يقف في وجه ميسي داخل منطقة جزاء الملك... * بالفيديو والصور .. حفل مدريدي على أنقاض كرامة برشلونة * بالفيديو .. دي ماريا يسحل الأسد بويول بمراوغة مهينة * راموس: رونالدو أثبت أنه الأفضل في العالم * عدسة FilGoal.com ترصد فوز ريال التاريخي في الكلاسيكو * ريال مدريد * برشلونة واستضاف برشلونة غريمه الملكي في إياب نصف نهائي كأس إسبانيا على ملعب كامب نو، وخسر منه بثلاثة أهداف مقابل هدف. وكعادته، أطلق FilGoal.com الهاشتاج الخاص للمباراة بعنوان #ليلة_الكلاسيكو، الذي أصبح خلال دقائق الأنشط على تويتر. ويسترجع FilGoal.com شريط المباراة من خلال تعليقات متابعينا على أحد أكبر مواقع التواصل الاجتماعي "تويتر". قبل المباراة قالوا يا رب انيستا يكون في مستوى محمد ابراهيم علشان يبقى هداف كبييير :D #ليلة_الكلاسيكو — Muhammad ta'lab (@MuhammadTa3lab) February 26, 2013 #ليلة_الكلاسيكو نفسى اعرف مين بيوضب هدوم اللعيبه فى غرف ملابسهم , نفسى يجيوا يعملوا زياره لدولابى — Eye of the Tiger TM (@mido2510) February 26, 2013 #ليلة_الكلاسيكو يا انهار ابيض دا الاتوبيس بتاع ريال مدريد ناقصه دراعين ويبقى iron man — mohammed anwar (@mohammed_anwar4) February 26, 2013 دي غرفة تغير ولا غرفة عمليات مش ناقص غير جهاز تعقيم #ليلة_الكلاسيكو — Eslam EL Gohary (@EMelgohary) February 26, 2013 اللعيبه بتسخن و الاستاد شبه فاضى عشان الجمهور متأكد انه هيلاقى الكرسى بتاعه ..فى مصر بتروح الاستاد قبل المتش ب5 ساعات #ليلة_الكلاسيكو — Ali Nasr (@alinasr911) February 26, 2013 سلام بقا لتايم لاين العادى انا حقلب على تايم لاين بتاع #ليلة_الكلاسيكو — Eye of the Tiger TM (@mido2510) February 26, 2013 #ليلة_الكلاسيكو السير: كنت اشاهد توم وجيري وانا صغير على التلفاز واليوم سأشاهدهم على الحقيقة لذلك انا في الكامب نو الان..!! — ahmed alomar (@alomar_ahmed) February 26, 2013 #ليلة_الكلاسيكو رؤوف خليف علق على دربي الغضب يوم السبت، وكمان هايعلق على الكلاسيكو انهارده .. ده الليلة عيد يا جدعان :) — أبو الأحاليم (@7elmy7elmy) February 26, 2013 وعندما انطلق اللقاء قالوا الناس دي معنهاش كلمة جس المبض اللي بتقعد عندنا نص ساعة .. الماتش سخن من اول لمسة #ليلة_الكلاسيكو — Ahmed Holio (@holio_) February 26, 2013 #ليلة_الكلاسيكومنقول الى 140 دولة ويشاهدة نصف مليار مشاهد #دربى_الارض — mohamed abd elrahman (@mar2231982) February 26, 2013 لعيبة الدوري المصري لما بيتفرجوا علي الكلاسيكو..بيفضلوا مقتنعين ان اللي بيلعبوه ده اسمه كرة قدم برضه! !! #ليلة_الكلاسيكو — M.Tawfeek (@MohTawfeek) February 26, 2013 وحين افتتح رونالدو التسجيل للملكي من ركلة جزاء صنعها بنفسه من عرقلة بيكيه لعيبة الدوري المصري لما بيتفرجوا علي الكلاسيكو..بيفضلوا مقتنعين ان اللي بيلعبوه ده اسمه كرة قدم برضه! !! #ليلة_الكلاسيكو — M.Tawfeek (@MohTawfeek) February 26, 2013 #ليلة_الكلاسيكو بينتو لو بيقعد يتمرن ازاي يقف في البلنتي قد ما بيقعد يعمل في شعره كان زمانه صد البلنتي ده — Bassel (@BasselAlrefaie) February 26, 2013 #ليلة_الكلاسيكو يا عيني بيكيه كل ما يغلط غلطة حتي لو صغيرة الناس تقعد تحفل علي شاكيرا .. و متعب الايجيبشن فيرجن منه D: — عم الشيخ (@Ah_Taha) February 26, 2013 رونالدو واخد من العلبة الذهبية النهاردة #ليلة_الكلاسيكو — Sherif Hassan (@Sherif7assan) February 26, 2013 ومع سخونة المباراة قالوا #ليلة_الكلاسيكو ابويا بيقوللى شايف الكرة سريعة ازاى..مش احمد جعفر تحس انه بيجرى بشبشب بصباع :D :D — OmZ (@OmZ10) February 26, 2013 #ليلة_الكلاسيكو رونالدو النموذج الأولي للإنسان اللي متركبله موتور موتسكيل في رجله — Bassel (@BasselAlrefaie) February 26, 2013 #ليلة_الكلاسيكو نفسى اعرف الاعلاميين اللى كانوا هيقطعوا شرايين ايديهم عشان الدورى المصرى يرجع لما بيشوفوا الماتشات دى بيحسوا بايه — mohammed anwar (@mohammed_anwar4) February 26, 2013 ومع ظهور برشلونة في حالة فنية سيئة انا لو من اللي بيلعب ببرشلونه ..يزق الفيشه برجله. ..و يعيد الماتش #ليلة_الكلاسيكو — واحد سلفي (@HadeyAbubakr) February 26, 2013 ميسى بيألش كورة فى التمنتاشر....الدنيا اتقل خيرها يا جدعان #ليلة_الكلاسيكو — mahmoud abdul aaty (@mhzndo) February 26, 2013 #ليلة_الكلاسيكو محدشً شاف فا بريحاس محدشً شاف فابريجاس محدشً شاااااااااااف محدشً شااااااااااااف — Mohamed osman (@Mohamedosman300) February 26, 2013 #ليلة_الكلاسيكو الو..سنترال المريوطية؟؟ إديني جوارديولا يابني و النبي..."القرموطي ستايل" — Mohamed Tarek (@MoTarek6) February 26, 2013 وبعدما استقبل برشلونة الهدف الثاني بفضل المراوغة الرائعة التي قام بها دي ماريا لبويول بويول عمل فتح حوض...لو بيعمل كساره البندق مش هيعرف يعملها كده #ليلة_الكلاسيكو — واحد سلفي (@HadeyAbubakr) February 26, 2013 #ليلة_الكلاسيكوالي عمله دي ماريا في بويول ده عيب وحرام :)ده بعته يجيب زبادي مرجعش :)) — أحمدالدروي (@Darawy1) February 26, 2013 حرام عليك يا دىماريا .. اعتبره ابوك يا اخى#ليلة_الكلاسيكو — Ahmed Fouad (@A7mdFouad) February 26, 2013 #ليلة_الكلاسيكو هو بيكه يتجوز شاكيرا وبيول هو اللي يتعب :) — Marwan Ahmed Magdi (@DrZhiVaagO) February 26, 2013 8 اهداف في الكامب نو. يقطع80 متر في 9 ثواني. ضربة رأس من ارتفاع 3 متر. هو ازاي رونالدو مش احسن لاعب في العالم؟ #ليلة_الكلاسيكو — ابو موسى (@3amr_taha) February 26, 2013 وحينما سجل الميرينجي الهدف الثالث .. صحيح للمرة الالف .. بنشكر زيدان على اكتشاف فاران .. تخيلوا كده لو بيبي اللي كان هنا :(#ليلة_الكلاسيكو — الملاح (@ahmed_almllah) February 26, 2013 #ليلة_الكلاسيكو اللي صعبان عليا النهارده هو السير الكس فيرجسون ، زمان ركبه بتخبط في بعض. — Hazem Mahdy (@hsmahdy) February 26, 2013 #ليلة_الكلاسيكو مورينهو : الصوت يا عم انت و هو D: — Hadzy (@iHady92) February 26, 2013 فين جوارديولا ..هاتولى جوارديولا :( #ليلة_الكلاسيكو — Mohamed Adel (@MAdelHassan) February 26, 2013 لسان حال جماهير #ريال_مدريد : لقد هرمنا... هرمنا من اجل هذه اللحظة التاريخية :D #ليلة_الكلاسيكو — 9/3 (@Zorka251) February 26, 2013 ميسي فين ؟!! .. مشاربش عندك برتقان #ليلة_الكلاسيكو — أوز نفس حروف وزا (@Ooz__) February 26, 2013 #ليلة_الكلاسيكو محدش بيتجرح أوي .. غير لما يستحوذ أوي — سِحسْTM.. (@SpecialSe7s) February 26, 2013