أكتوبر يا شهر العزة رمضان يا شهر النصرْ تعيشى لينا يا سينا وتعيشى حرة يا مصرْ
دايمًا زعيمة يا مصر فى كل وقت وعصرْ من يوم ميلاد أحمس ولحد يوم الحشرْ
مَهْمَنْ يقولوا الرعاة فى كل قطر ومصر أغلى شرف نلتِ ويكفى بلدنا مصر مذكورة فى آيات الله تتلى ليوم النشر
تتلى فى كل صلاة ف السنة أو فِ الفرض يا خيرَ جُند الأرض حميتُوا الشرف والعرض حميتُوا العرب من زمن أيام صلاح الدين
وأيام بيبرس المظفر ف عين جالوت وحطين الأقصى أمانة ف رقا بكم وغزة وفلسطين النهاردة وبكره وبعد سنة ولحد يوم الدين
حكام العرب هايصين والأقصى بات ف الأسر عددكم فاق كل شِىء فِ العد أو فِ الحصر يا أمة العدد ف اللمُونْ ويا رِيتُه قبل العصر نسيتُوا عيشة الصحابة ونَسيتوا غزوة بدر نسيتُوا يوم الحساب ونسيتوا الوقوف ف الحشر بَات همُكم يا عرب ع السهر وشرب الخمر
وإزاى شكل الفيلا وإيش لون وحجم القصر دَا آخرتك مترين قماش ويرموك ف حتة قبر من قبل أو من بعد لله وحده تركت هذا الأمر عادل البدراوى - نادى الصيد - الدقى