ممكن المكتوب يصيبك من يمينك أو يسارك أصل حظك من نصيبك يعنى دايما فى انتظارك يعنى ماتفكرش إنك مرة حتحدد مسارك أصله دايما غصب عنك إمتى كان مرة استشارك يعنى لو فكرت تهرب من همومك وانكسارك برضه من همك حتشرب وانت بتسقى ف مرارك بس لو عايز نصيحتى لو عايزنى مستشارك يبقى حاستخدم قريحتى لاجل سعدك وانتصارك وانت خدها اسمعها منى قبل ما اسمع بانهيارك برضو قول وانقلها عنى قول لصاحبك قول لجارك قول له مهما كنت جاحد بكرة حتشوف ازدهارك سره فى اتنين هما واحد رشحوهم لاختبارك شلة بتبرطع فى خيرهم كل رغبتهم حصارك
يعنى مش حيعوزوا غيرهم حتى لو يحصل دمارك وانت حتفاضل ما بينهم وبمزاجك واختيارك بس لازم حد منهم أصلهم دايرة مدارك
لما ينجح حد فيهم قول له ميت مليون مبارك والشلل دول منه ليهم وانت لو ترفع شعارك أو تحاول مرة تعتب أو تفش وتطفى نارك ألف مين ح يقول ويكتب قصة عن سر انتحارك الشاعر محمد كمال محمد [email protected]