أنبوبتى العزيزة الغالية حقك عليا ماتزعليش حقك عليا وأوعدك من النهارده ماتتنفسيش محدش يقدر يستغنى عنك ونزعل لو يوم ماتولعيش عودى للبيت قوام يا بوبى إحنا من غيرك مانساويش كل المطابخ فى انتظارك وحياة العشرة ما تتأخريش الكل هنا قلقان عليكى تلاقيكى يا عنيه ماتعبتيش أربع عيون بيدمعوا خايفين لتروحى ماترجعيش فاكرة يا بوبى لما اتسرقتى ونزلنا فى الحرامى تلطيش
ما انتى يا بوبى غالية علينا والعشرة برضه ماتتنسيش تعالى يا بوبى وليكى عليا من النهارده ماقولش مافيش كل طلباتك أوامر بس قولى ماتتكسفيش عاوزة جلدة من عنيه وأفيز عشان ماتسربيش
يومين وأدبرلك منظم بس إنتى تعالى ما تطوليش كبرتى يا بوبى إحلويتى وسعرك لفوق مابتنزليش وخطابك طوابير طوابير وساعة ماتفضى مابتنفعيش الأكل بارد من غيرك والحل حتة جبنة قريش رسينى إمتى راح تيجى خلاص يا بوبى ماتكمليش أحمد الطويل- الهرم- الجيزة
