«يلا نلبس الغلبان، ابعتلنا هدومك القديمة وإحنا علينا المعرض»، نداء لمجموعة من شباب المنصورة وهم يتجولون بسياراتهم الخاصة لتدشين أكبر معرض ملابس خيرى صيفى لكساء فقراء محافظة الدقهلية، بعنوان «تيجى نلبسهم». لم تكن المرة الأولى التى يقدم فيها «وليد» وزملاؤه تلك النوعية من المساعدات الخيرية، فسبق أن نظموا عدة معارض تهدف إلى تقديم العون للمحتاجين، كمعارض أثاث وأدوية من خلال منظمة «مصر أولاً لحقوق الإنسان».. «كل حاجة فى المعرض ببلاش حتى تذاكر الدخول، وهدفنا مانشوفش حد عريان أو غلبان ونرسم البسمة على وش ناس محتاجة بجد»، قالها وليد إسماعيل، صاحب فكرة المعرض. محاولات الشاب العشرينى لإقامة عمل خيرى متميز لا يعتمد على توصيل المساعدات للمنازل فحسب، جعله يلجأ لفكرة المعرض حتى يشعر المحتاجون أنهم أصحاب قرار وأن من حقهم اقتناء ما يحتاجونه: «مفيش حاجة من جيبنا كله تبرعات وكل اللى بنعمله إننا بنغسل الهدوم ونكويها ونعلقها فى المعرض، لازم الصدقة تقع فى إيد المحتاج وهى فى أحسن حال». لم يكتف القائمون على المعرض بإقامة معرض للملابس الصيفية فقط، بل يحرصون على إقامة آخر فى فصل الشتاء، بالإضافة إلى تخصيص عدد من المتطوعين للذهاب إلى عناوين المتبرعين لأخذ تبرعاتهم فى حالة عدم استطاعتهم الحضور: «قريب بنجهز لحملة كبيرة ننزل كل فترة قرية من قرى الدقهلية المعدمة ونعمل فيها معارض عشان نكسى ونعالج أهلها يمكن نقدر نفك كرب محتاج، إحنا فى الأول والآخر همزة وصل بين محتاج ومتبرع مش محتاج».