أثارت صورة تمثال الملكة نفرتيتي الذي أقامته محافظة المنيا في مدخل مدينة سمالوط لتخليد ذكراها، سخرية رواد موقعي التواصل الاجتماعي "فيسبوك" و"تويتر"، حيث علق أحد الأشخاص "مع احترامى لإحساس اللى عمله، بس لا تملك كفاءة ولا موهبة علشان تعمل دا، ومهين لنا حاجة زي دي تتوجد في الشوارع". وسخر آخر من صورة التمثال قائلًا "ده الفرق بين نفرتيتي وأم تيتي، صحيح مافيش حاجه بتفضل على حالها، لو عايشة كانت رفعت قضية رد شرف"، وأضاف آخر "مين المبدع اللي عمل هذه التحفة الفنية؟ روح يا شيخ منك لله". بينما علق أحد النشطاء "ياجدعان دي لسه عالطوب الأحمر لسه هاتتمحر وتاخد وشين معجون، إيش فهمكوا إنتوا في الفن"، وأضاف آخر "اللي على اليمين نفرتيتي في شبابها من 3500 سنة، واللي على الشمال نفرتيتي بعد ما جالها فيروس سي والبلهارسيا من عوم الترع".