قال الرئيس عبدالفتاح السيسي، للقضاة أثناء تشيع جنازة النائب العام الراحل المستشار هشام بركات، "إنه لم يتدخل في شؤون القضاء، كما أن القضاة لن يسمحوا بذلك"، مضيفا،: "إحنا سبنا الأمر عندكم للعدالة، بقالنا سنتين سيبينه عندكوا، والناس كلها وأنا منهم بنطالب بتنفيذ القانون وهنفذ القانون". وأضاف السيسي، أنه "يجب على المحاكم استخدام القوانين الناجزة"، قائلًا: "إحنا ربنا فوقنا ومستعدين نقابله في أي وقت، إحنا عارفين ربنا كويس، وعارفين الناس دي مين". وتابع: "إحنا بنتكلم بقالنا سنتين، المحاكم بالطريقة دي في الظروف دي مش هتنفع، ولا القوانين دي في الظروف دي هتنفع، القانون اللي موجود ممكن للناس العادية، أما دول مش هينفع معاهم إلا القانون الناجز". واشار السيسي، إلى أن "النائب العام بالنسبة له هو صوت مصر، وأن ما حدث أمس هو إسكات لصوت مصر لأن النائب العام هو الادعاء"، مضيفًا،: "محدش يقدر يسكت مصر، عاوزكوا تتكاتفوا مع مصر والمصريين، أنا مش هعزيكوا دلوقتي هاجيلكوا تاني أعزيكم لما نضبط القانون، إحنا مبنعملش حساب إلا لربنا واللي هيرضي ربنا هنعمله".