كان لى مرة ذكرى حلوة أصل كان لى حبيب كان له قلب حس بيا كان جمال الدنيا كله فى عينيا كان لى شعرى كان لى نثرى كان لى كل الدنيا ديا رحت أجرى ناسية نفسى فى دنيا حلوة دنيا حلوة ما فيهاش أى قيود كل ما فيها أحلام أمانى وعود نجرى نضحك نمرح ونلعب دنيا الخيال هى دى دنيا العيال فجأة أمى من إيديا سحبتنى نبهتنى.. حذرتنى: انتى كبرتى وفيه شوية فرمانات خاصة بدنيا البنات عيب وعيب وعيب وعيب ممنوع تكلمى الولاد أو تضحكى أو تلعبى الوقت فات قلت أبص فى المراية يمكن أعرف إيه الحكاية شفت عيلة بيقولوا عليها كبيرة وهى لسه بالضفيرة إيد متشعبطة فى دنيا الطفولة وإيد بتفك فى الضفيرة ما باليد حيلة البنت بقت كبيرة لازم نسمع كلام الكبار ومهما كبرنا فى نظرهم عيال ومهما حاولنا محال محال