قال محمد وجيه، خال الطفل "يوسف" ضحية بالوعة الصرف الصحي، إن الشارع الذي توجد فيه البالوعة التي غرق فيها الطفل موجودة داخل سوق تجاري، مضيفًا: "مفيش احتياطات أمنية للحوادث اللي زي دي". وتابع وجيه قائلاً، خلال حواره ببرنامج "لازم نفهم" مع الإعلامي مجدي الجلاد والمذاع على قناة "سي بي سي إكسترا"، أن "مهندسي الصرف الصحي مجوش موقع الحادث إلا الساعة 5 الفجر وقعدوا يدوروا كتير في البلاعات علشان يطلعوا يوسف على أمل إنه يكون لسه عايش"، متابعًا بقوله "جدتي كانت هتبوس إيد العامل علشان ينزل يجيب يوسف". وتابع: "الناس ماشية وعينيها بتكون في الأرض ومفيش علامات إن في بلاعة في المكان، وأختي جالها تشنجات بعد ما سمعت الخبر ودخلت العناية المركزة وتعبانة ومش متخيلة إن يوسف مات لحد دلوقتي"، مضيفًا: "تقرير الطب الشرعي أكد أن الطفل كان على قيد الحياة لمدة ساعة كاملة وفي المجاري".