قال الإعلامي جابر القرموطي، إن هناك نوعين من الإرهاب، وهما: إرهاب على الحدود في سيناء ويواجه الجيش، وأيضًا إرهاب من نوع آخر وهو الفساد، مضيفًا: "لما بنقول الجيش بيواجه الإرهاب طيب أنت كمواطن بتعمل إيه كمسئول أو وزير بتعمل إيه؟". وأضاف القرموطي، خلال برنامجه "مانشيت"، على قناة "أون تي في": "الفاسد بيدلس وبيلعب من تحت الترابيزة وهو بيقوم بأمور لمصالحه الشخصية مش لمصلحة الدولة وأنا شخصيًّا بمر بحالة زي دي مع بعض المسؤولين في الدولة بس أنا سايبهم لغاية ما أشوفهم عندهم ضمير ولا لأ". وتابع: "مش المواطن بس اللي غلبان إنما إحنا برضه كإعلاميين غلابة أمام الحرامي والمتبجح والفاسد".