تداول مستخدمو موقع التواصل الاجتماعي "يوتيوب" مقطع فيديو يظهر الطريقة التي نصب بها "المستريح" على المواطنين، والأزمة بينه وبين المندوبين لتأخير صرف المبالغ المستحقة لهم. وفي الفيديو تحدَّث "المستريح" عن مقرات شركته وقال: "أنا فاتح في المهندسين وفاتح في الغردقة كلمني في التليفون قولي أنا في الحتة الفلانية، لو قلتلك لا والله معلش أنا مش هقدر أجيلك يبقا أنا راجل وحش ولو أنا قافل التليفون واحد اتصل بيا برجع أكلم الناس كلها" ليدلل بذلك على أنه يحترم المندوبون. ويحاول "المستريح" أن يقنع المندوبون بأن وضع الشركة قانوني وأنها حكومية، وذلك في إطار عملية النصب التي قام بها فيقول "انت النهاردة لما تخش البنك وتخش تحط 100 ألف جنيه أتحدى أي واحد يخش يحط 100 ألف جنيه أو يسحب 100 الف جنيه ولا حتى قبل كدا" وينادي على شخص يدعى محمد تهامي: "انت أو أحمد" ويقول لهم "أي حد يخش يسحب من البنوك بيسحب كام؟"، ليرد التهامي: "اللي ليه 300 بيسحب 50 بالعافية"، ليعترض هو "لا لما تصرف فلوسك حد بيسألك سؤال" ليقول أحدهم لا، ويحكي موقف دخلت بنك "كريدي أجريكول" تسحب وتطلع حد بيقولك انت إيه وبطاقتك فين وبتشتغل في إيه، ليرد أحدهم "لا". ويكمل المستريح حديثه: هو محدش يقدر يقولك كدا لأن الشركة تابعة للحكومة إحنا شركة حكومية مش شركة "هفأ" رأسمالها نص مليار، ويحكي عن وضع الشركة "عاملين مصانع وشركات ودنيا إحنا لما رحلنا القبض رحلناه ليه النهاردة 20 ولا 21 في الشهر البنك الأهلي المصري أعدم 24 مليار جنيه عملة قديمة، ويقول إحنا مش ناس "هفأ لا مؤاخذة" إحنا لو ناس هفأ كنا وقعنا تاني يوم، ويسألهم المستريح "إحنا كام واحد بيحاربنا يا جماعة، وعندها يحاول المستريح أن يشعرهم بأنه يقوم بدور كبير ويقول "أنا لحد إمتى هفضل شايل الشيلة لوحدي"، ليرد أحدهم "كتير عليك يا كبير"، ويستكمل المستريح: "مينفعش يا جماعة مينفعش، ويقول لهم: "لازم تشيلوا معايا يا جماعة أنا متقوي بيكوا انتم مش بنفسي بعد ربنا سبحانه وتعالي هو أنا لما هقع مش كلنا هنقع". بعدها يتكلم أحد الذين شاركوه في عملية النصب ويقول: "هو يمكن يا جماعة الأستاذ أحمد في حاجة فاتته إن إحنا قبل ما نعمل أي حاجة كنا المفروض اتصلنا عليكم وقلنا لكم يا جماعة إن الراجل ده يخش على المصنع إيه رأيكم" ويعود ليبرر "بس اللي إحنا عارفينه إن احنا المناعية أو الجناوية محدش هيعارض". ليعود المستريح ويكمل حديثه: "أنا عايز أعلق على حتة قبل ما يتكلم الأستاذ عمر المصنع د ابتاعكم زي ما هو قائم بس المصنع دا حاجه جديدة، "هديه ليكم انتوا أبناء محافظة قنا". ويستكمل المستخبي نسج خطوطة حول عقول المندوبين: "خلي بالك الشغل الجديد أقسم بالله وحياة ولادي ناس حاربتني عليه وناس بتحاربني بس أنا الحمد لله معايا ربنا إن بتقوى بيه ثم بيكم انتوا، أنا مش عايز حاجة من حد أنا الحمد لله راجل ربنا كرمني وناس كتيرة ربنا كرمها من ناحيتي بس أنا بتكلم في جزئية إحنا أخذنا نصيبنا من الدنيا وكلنا وشربنا ومعانا فلوس ولادنا اللي جايين هيعملوا إيه". ويحاول أن يشعرهم أن المصنع سيحقق مكاسب خيالية، فيقول ثم يقسم بالله ويحلف "بالطلاق" ويستشهد بشخص عماني يدعى "يوسف" ويقول داخل ب200 مليون جنيه بالمصنع وأنا رفضته عارفين ليه علشان خاطر الناس دي لأنه هياخد 200 سهم.